Greziara zihoazen hamaika errefuxiatu hil dira, itota
Gutxienez hamaika errefuxiatu hil dira, itota, Turkiako hego-ekialdetik Greziako Kos uhartera egiten ari ziren ibilbidean, Dogan Turkiako albiste agentziaren arabera.
Ontzietako bat Akyarlar eskualdetik irten da, 16 errefuxiatu zeramatzala, baina bidean urperatu egin da eta zazpi pertsona hil dira. Beste lau errefuxiatu bizirik erreskatatu dituzte, eta kostazainak gainerako bost lagunen bila dabiltza.
Bestalde, ibilbide bera egiten ari ziren beste sei siriarren ontzia ere urperatu da azken orduotan, eta hiru haur eta emakume bat hil dira. Gainerako biak bizirik erreskatatu dituzte, salbamendu-jaka jantzita zutelako.
Errefuxiatuen lekualdaketa operazioa
Eta Egeo itsasoko uharteetatik kontinentera burutzen ari den lekualdaketa operazioan, 4.200 errefuxiatu Atenaseko Pireo portura heldu dira azken orduetan, bi ferrytan.
Ferryetako bat astearte gau partean heldu zen Lesbos uhartetik Atenasera, 1.749 errefuxiaturekin, eta bigarrena, asteazken goizean heldu da, 2.459 errefuxiaturekin.
Prokopis Pavlópulos Greziako presidentea François Hollande Frantziako presidentearekin hitz egin du telefonoz, eta egoeraren berri eman dio. Greziako agintariak errefuxiatuen joan-etorriaren egoera larriaren informazioa eman dio Hollanderi.
Balantzea
Urte hasi zenetik, 180.000 errefuxiatu heldu dira Greziara, Nazio Batuen Errefuxiatu Agentziaren arabera.
Gehien bat, errefuxiatuak Kos, Kálimnos, Leros, Samos, Jíos eta Lesvos uharteetara iristen ari dira, batez ere, ontzi pneumatikoetan eta bestelako ontzi txikietan.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.