Rohani: 'Iranek atal berri bat ireki du munduarekiko harremanetan'
Hasan Rohani Irango presidenteak igande honetan adierazi duenez, Iranen kontrako zigorrak kenduta, Iranek aro berri bat ireki du munduarekiko harremanetan.
Irango presidentetzak bidalitako adierazpenen arabera, pozez eta alaitasunez jaso du albistea Irango presidenteak. Iranek haren programa nuklearrren zenbait alderdi murrizteko hartuta konpromisoa bete ondoren, herrialde islamiarraren kontrako zigorrak bertan behera utzi dituzte AEBk eta Europar Batasunak.
Halaber, Rohanik Irango herria zoriondu du uztailean Vienan hitzartutako akordioa indarrean sartu ondoren bertan behera gelditu ei direlako "zigor ankerrak".
Rohaniren hitzetan, Iranek atzean utzi du "aro ekonomiko zaila": "Gaur isunetatik garapenera aldatu den aro bat ireki da, ekimena, berrikuntza, inbertsioa eta aukera berrien erabilera eskatzen duena; bereziki, gazteenen aldetik".
Ildo horretan, azpimarratu du mundu osoa pozik dagoela akordioaren aplikazioarekin, Israel eta AEBko muturreko talde txiki bat salbu.
Zigorrak kendu dizkiote Irani, akordio nuklearrarekikoak bete ostean
AEBetako gobernuak Iranen aurka zituen zigorrak bertan behera utzi dituela adierazi du, Energia Atomikoaren Nazioarteko Erakundeak (EANE) baieztatu egin baitu Iranek bete egin dituela joan zen uztailean Vienan hitzartutako akordio historikoa martxan jartzeko ezarritako baldintzak.
Europar Batasuneko kanpo politikarako arduradun Federica Mogherini andreak ere Iranekin adostutako hitzarmen nuklear aldeaniztuna larunbat honetan inplementatzen dela berretsi du, eta, ondorioz, Islamiar Errepublikaren gainean ezarrita zeuden zigor guztiak baliogabetzen direla.
Irango Kanpo Arazoetarako Mohammad Javad Zarif ministroarekin batera egin duen agerraldian egin ditu goian aipatutako adierazpenak Europako diplomaziaren buruak.
Vienako akordio nuklear aldeaniztunak Iraneko programa nuklearraren zenbait alderdi murriztea aurreikusten du (10 eta 25 urte bitartean) neurri zigortzaileak kentzearen trukean.
Preso-trukaketa
Iraneko agintariek Iraneko eta Estatu Batuetako nazionalitatea duten lau preso askatu dituzte gaur. Horren truke Ameriketako Estatu Batuek zazpi irandar utziko dituzte libre (horietako seik ere nazionalitate bikoitza daukate), AEBetan kondenaturik edota epaiketaren zain zeudenak.
Iraneko telebistak jakitera eman duenez, aske geratu direnen artean daude Washington Post egunkariko Jason Rezaian kazetaria (2014ko uztailean atxilotua), Said Abedini (2012an atxilotua), Amir Mirzai Hekmatí (2012ko abenduan atxilotua) eta Nosratolah Josraví.
Aipatutako telebistak esan duenaren arabera, preso-trukaketa horrek "erregimenaren interesei erantzuten die", Vienan Iran eta AEB itun nuklearraren gaineko aurrerapenak aztertzen dituzten bitartean.
Aipatutako trukaketa horren barruan AEBetan aske utzitako zazpi irandarrez gain, Iraneko telebistak adierazi du Interpolek Estatu Batuetako polizia bila ari den beste hamalau irandar jarraitzeari utziko dituela.
AEBek askatu dituen zazpi irandarrak Washingtonek Irani ezarritako zigorrekin zuten zerikusia. Horrez gain, enbargoa ez betetzeagatik beste hamalau irandarren aurka zegoen nazioarteko atxilotze-agindua bertan behera utzi ditu.
Iranek bosgarren estatubatuar bat ere aske utzi du
Iraneko agintariek Ameriketako Estatu Batuetako beste hiritar bat ere, Matthew Trevithick, askatu dute.
Energia Atomikoaren Nazioarteko Erakundea, Vienan bilduta
Iraneko Kanpo ministro Mohamad Javad Zarif ziur azaldu da nazioarteko komunitateak kendu egingo dituela Iranen aurka indarrean dauden zigorrak, behin Iranen programa nuklearraren gaineko azken txostena argitaratuta.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.