Akordio historikoa itxi dute Irango programa nuklearrari buruz
Diplomaziak aurreratutakoa ofizial egin dute: akordioa dago Irango programa nuklearraren inguruan. Egunak daramatzate Iranek eta munduko sei potentziek (AEB, Errusia, Alemania, Frantzia, Erresuma Batua eta Txina) negoziatzen, eta azkenean heldu da albistea.
Akordioa ixteko zazpi herrialdeetako Atzerri ministroek eta Energia Atomikoaren nazioarteko erakundeko arduradunek egin beharreko bileraren aurretik prentsaurreko laburra eskaini dute Federica Mogherini Europar Batasuneko Atzerri Politika goi arduradunak eta Mohamad Javad Zarif Irango Atzerri ministroak. Bien hitzetan, historikoa da akordioa eta aro berri bat zabalduko du.
Zarifek ere "historikotzat" jo du ituna eta "denok garaile" direla azpimarratu du. "Akordioa ez da perfektua baina lortu genezakeena da, eta da garrantzitsuena", erantsi du. Irango Atzerri ministroaren ustez, "itxaropenaren atal berria" abiatu dute gaur.
"Nazioarteko harremanen historian atal berria suposa dezake akordioak eta mundu osoarentzat itxaropen keinua da", adierazi du Mogherinik. Agintari europarraren esanetan, agerian geratu da "diplomaziak hamarkadetako liskar eta tentsioak gainditzeko balio" duela. Twitteren ere bota du lerroburua Mogherinik:
Bonba atomikorik ez; trukean, isunak bertan behera
Helburua Iranek bonba atomikoa ez egitea da, eta, trukean, herrialde arabiarrari isunak kentzea.
Hala, 100 bat orrialde dituen behin betiko dokumentuak Irani nazioarteak ezarritako isun guztiak kentzea ekarriko du. Arabiako herrialdea Nazio Batuen Erakundeak zigortutako herrialdeen zerrendatik atera ere egingo dute.
Agiria Nazio Batuen Segurtasun Kontseiluak onartu beharko du datozen asteetan, baita AEBko Kongresuak eta Irango Parlamentuak ere.
Adostutako akordioaren arabera, hiru fasetan hartu beharko ditu Iranek neurriak: atarikoan, operatiboan eta exekutiboan.
Nazio Batuen Erakundeak Vienan duen egoitzan egin dute negoziazioen azken saioa, baina egunak daramatzate akordioa lortu nahian. Negoziazioak gogorrak izan omen dira.
Mahmud Ahmadineyad Irango presidentea Natanzeko zentral nuklearra ikuskatzen. Artxiboko irudia: EFE
Hasan Rohani Irango presidenteak nabarmendu duenez, akordioa "diplomaziaren garaipena" eta nazioarteko harreman berri batzuen "hasiera ona" izango da.
Twitterren kaleratutako mezu batean, herrialdeen arteko "bazterkeria eta herstura" garaiari amaiera emango dio lortutako akordioak:
Netanyahu: “Mundua toki askoz arriskutsuagoa da orain”
Iran “nazioarteko terrorismoaren babesle nagusia” dela salatu du Benjamin Netanyahu Israelgo lehen ministroak. Akordioaren ondoren “mundua toki askoz arriskutsuagoa” dela erantsi du Netanyahuk.
Akordioaren berri izan bezain laster zeharo errefusatu du Israelek. “Hanka-sartze handia eta historikoa” dela gaineratu du.
Obama: “Norabide berri batean aurrera egitea ahalbidetzen du akordioak”
Barack Obama AEBetako presidenteak, ostera, akordioak “Iranekin norabide berri batean aurrerapausoak ematea” ahalbidetzen duela uste du. Hamarkadetako etsaitasunaren ondoren, Iranek “tolerantziaren bidea” hartu eta “ideologia zurrunak” alde batera utzi behar ditu, erantsi duenez.
“Interes komun eta errespetuarekin harremanak izateko beti prest gaudela argi utzi diot Irango herriari. Desadostasunak benetakoak dira eta bi herrialdeen arteko historia zaila kontuan ez hartzea ezinezkoa da. Baina aldatzea posible da”, adierazi du Obamak agerraldi batean, Etxe Zurian.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".