Siria trantsizio politikoaren bidean jartzeko saiakera gaur, Genevan
Siriako bake negoziazioek bigarren aukera bat dute gaur Genevan, berriz bilduko baitira gobernua eta oposizioa, NBE bitartekari dutela. Helburua lehenbailehen trantsizio politiko bat abiatzea da. Prozedura gaiak alde batera utzi nahi ditu NBEk, aurreko bilerak, otsailaren 3koak, horregatik egin baitzuen kale.
Staffan De Mistura Siriarako NBEn bidali bereziak zuzenduko du batzarra (Euskal Herrian 11:00ak direnean abiatuko da). Lehen batzarra bertan behera utzi zenetik sei aste igaro dira, eta aldeen arteko jarrerak ez dira asko hurbildu, batez ere Baxar al-Asadek izan behar lukeen paperaren harira. Bilera amaitutakoan, prentsaurrekoa eskainiko du De Misturak.
Otsaileko hitzordu hartan bezala, aldeen ordezkariak joango ote diren ziurgabetasuna erabatekoa izan da oraingo honetan ere. Gaurko batzarrak karga sinboliko berezia du, 2011ko martxoaren 15ean, duela bost urte ia, lehertu baitzen gerra Sirian. Gobernuaren kontrako grafiti batzuk egitearren gazte talde bat atxilotu eta torturatu zuen Poliziak, eta horren kontra altxatu ziren milaka herritar.
Ordudanik 300.000 lagun hil dira, eta biztanleriaren % 11k borroka eta bonbardaketek utzitako zauriak edota desgaitasunen bat dute. Gainera, biztanleriaren erdiak herrialdetik ihes egin dute.
AEB eta Errusia
Ezkor eta ohartarazpen ugari eginda agertu da De Mistura bileraren atarikora. Kazetariei esan dienez, bi aldeek negoziazioetan aurrera egiten ez badute potentzia aliatuengana joko du, alegia, AEB eta Errusia.
"Negoziatzeko borondaterik ikusten ez badugu, auzia AEBen eta Errusiaren esku utziko dugu berriro", ohartarazi du.
De Misturaren hitzetan, negoziaziook izorratzeko saiakerak egongo dira. "Erasoak espero ditugu eta bi aldeek marra gorriak aipatuko dituzte, baina unea iritsi da, aukera hau aprobetxatu beharra dago", azpimarratu du.
Zure interesekoa izan daiteke
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.