Japoniako bi lurrikarek 41 hildako eta 2.000 zauritu utzi dituzte jada
Ostegunean eta larunbat honetan Japoniako Kunamoto prefekturan gertatu diren bi lurrikarek, bata 6,2koa eta bestea 7,3koa Richter eskalan, dagoeneko 41 hildako eta 2.000 zauritu eragin dituzte dagoeneko, azken datuen arabera.
Japoniako Meteorologia Agentziaren arabera, azken astindua larunbat goizaldeko 01:25ean jazo da Kumamoto prefekturan, Kyushu uhartearen mendebaldeko kostaldean, eta hipozentroa 12 kilometroko sakoneran izan zuen. Prefekturako zenbait gunetan lurrikararen intentsitatea 6 plusekoa izan da (0tik 7ra bitartera doan Japoniako eskalan).
"Osteguneko lurrikara (9 hildako) bigarrenaren abisua izan liteke", adierazi du Tohokuko Unibertsitateko Shinji Toda irakasleak. Geroztik hainbat erreplika izan dira, handiena 5,8koa.
Japonian martxan dagoen zentral nuklear bakarra (Sendaiko zentral nuklearra) lurrikarak gertatu diren gune berean dago; hala ere, agintariek diote instalazioek ez dutela kalterik jasan.
Bestalde, 160.000 pertsona beren etxeetatik aterarazi dituzte eta 78.000 etxebizitza inguru argi hornidurarik gabe gelditu dira Kumamotoko prefekturan eta zenbait gunetan gas hornidura eten dute.
Astinduak kalteak eragin ditu Kumamotoko aireportuko eraikinean eta, ondorioz, agintariek itxi egin behar izan dute. Halaber, hainbat hegaldi eta bala trena bertan behera gelditu dira.
Igandera arte euri jasa indartsuak espero dira eskualdean eta, hori dela eta, balizko luizien aurrean adi egoteko eskatu diete agintariek herritarrei.
Zure interesekoa izan daiteke
4,8 graduko lurrikara batek Venezuelako kostaldea astindu du
Lurrikararen epizentroa itsasoan kokatu da, Aragua estatuan, Caracasetik gertu. Inguruan sentitu ahal izan dute, baina dardarak ez du kalte materialik eragin.
Venezuelan desagertutako euskal jatorriko bi herritarren senideek itxaropenari eusten diote
Roxana Mendesek, Jon Sustacha Venezuelan desagertutako euskal ingeniariaren emazteak, ordu kritiko hauetan bizi duten desesperazioa helarazi du. Egoera biziki zaila izan arren, senideek ez dute desagertutako pertsonak bizirik topatzeko esperantza galtzen. Jon Sustacha bilbotarra eta Maria del Coro donostiarra dira desagertutako bi euskal herritarrak.
Dagoeneko 1.430 pertsona hil dira Venezuelako lurrikaretan
Erreskate taldeek lanean jarraitzen dute, atsedenik gabe, hondakinen artean harrapatuta geratu diren pertsonak bilatzeko, oraindik bizirik egon daitezkeelakoan.
Honela geratu da Venezuela lurrikaren ondorioz
Venezuelak bere historiako hondamendi natural handienetakoa jasan zuen asteazkenean. Kaosa areagotu da hainbat hiritan, eta kalte oso handiak eragin ditu; batez ere, La Guairan. Horrela geratu da Venezuela airetik ikusita.
Lurrikarek eragindako kaosa areagotu egin da La Guairan
La Guairako errepideak blokeatuta daude, eta, hori dela eta, sarbideak mugatzea erabaki du Venezuelako Gobernuak. Dena galdu ostean, kalean, kanpamentu inprobisatuetan ari dira bizirauten, senideekin komunikatu ezinik. Une honetan, premiazkoa da La Guairara iristeko bideak libre uztea, laguntza bertara irits dadin.
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.