Ultraeskuinak irabazi du Austriako hauteskundeen lehen itzulia
FPÖ alderdi ultraeskuindarreko Norbert Hofer hautagaiak irabazi du Austriako presidentea aukeratzeko hauteskundeen lehen itzulia, boto-emaileen % 35,4 babesa eskuratuta. FPÖ alderdi euroeszeptiko, xenofobo eta populista da.
Gauzak horrela, hauteskundeen bigarren itzulian, Hofer eta Alexander Van der Bellen hautagai ekologista lehiatuko dira, bigarren horrek bozen % 21,3 lortu baitu.
Bigarren postuan lehia handia izan da Van der Bellen eta Irmgard Griss hautagai independentearen artean. Grissek azkenean botoen % 19 eskuratu du.
Austriaren historian lehendabizikoz, gaur egun koalizio-gobernua osatzen duten sozialdemokratak eta demokristauak bigarren itzuliko lehiatik kanpo gelditu dira. Izan ere, Andreas Kohl demokristauak, Parlamentuko presidente ohiak, laugarren postua lortu du, babesaren % 11,2rekin. Rudolf Hundstorfer sozialdemokrata, berriz, bosgarrena izan da, bozen % 10,9rekin.
Hoferren garaipen argiak azken asteetako inkestak zapuztu du, horien arabera, Van der Bellen baitzen hauteskundeak irabazteko faboritoa.
Bigarren itzulian irabazle ateratzen denak Heinz Fischer presidentea ordezkatuko du. Fischer ezin da berriro aurkeztu, karguan 12 urte eman dituelako.
Austriako presidentek ez dauka botere betearazlerik, eta herrialdearen ordezkaria izan ohi da atzerrian. Dena den, hainbat zeregin ditu: Parlamentua desegitea, Gobernua kargutik kentzea eta Armada gidatzea.
Presidentea aukeratzeko bigarren itzulia maiatzaren 22an izango da.
Zure interesekoa izan daiteke
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germaineko jokalaria Marokoko selekzioarekin Munduko Futbol Txapelketan parte hartzen ari da. Versalleseko Apelazio Epaitegiak atzera bota du futbolariaren defentsak aurkeztutako helegitea, eta, ondorioz, akusatuen aulkian eseriko da 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.