Trumpen eta Clintonen nagusitasuna, gero eta handiagoa
Hautagaitza errepublikanoa lortzeko aukera handiagoak ditu orain Donald Trump handi-mandiak; izan ere, bost garaipen erabakigarri lortu ditu AEBetako barne-hauteskundeetan. Era berean, Hillary Clinton Estatu idazkari ohiak, beste lau garaipen lortuta, bere abantaila areagotu du demokraen arteko lehian.
Ipar-ekialdeko bost estatutan irabazi du Trumpek: Maryland, Pennsylvania, Rhode Island, Delaware eta Connecticut. Estatu horiek 118 ordezkari dituzte.
?Niri dagokidanez, hau bukatu da dagoeneko?, adierazi du Trumpek New Yorken, azaroko hauteskundeetan presidentegai errepublikanoa izateko aukerei erreferentzia eginez.
Cruzen eta Kasichen arteko itunak ez du handi-mandia gelditu
Ted Cruz eta John Kasich errepublikanoek Trumpek izendapena lortzeko ordezkariak eskuratzea eragozteko itun bat iragarri eta bi egun geroago, handi-mandia sendo agertu da AEBetako ipar-ekialdean.
Izendapen errepublikanoa lortzeko, 1.237 ordezkari behar ditu Trumpek, alderdiaren zuzendaritzaren nahia (konbentzio borrokatu bat uztailean) saihestu nahi badu. Trumpek kopuru magikoa lortzen ez baldin badu, edozein izan daiteke hautagaitza.
Hala ere, helburua lortzea ez da erreza izango; izan ere, astearteko bozketa izan baino lehen, 845 ordezkari zituen enpresaburuak.
Hamar estatu soilik
Errepublikanoen arteko lehian, hamar estatuk soilik bozkatu behar dute, eta badirudi horietako batzuk ez direla Trumpen aldekoak; besteak beste, Nebraska, Montana eta Hego Dakota.
Asteazken honetan, Indianara helduko da lehia. Trumpek abantaila txikia du, inkesten arabera, baina Cruz baliabide ugari bideratzen ari da maiatzaren 3ko bozketan faboritoari ordezkariak kentzeko.
Hillary Clinton hautagai demokrata, Pennsylvanian. Argazkia: EFE
Demokraten arteko lehian, Clintonek bere abantaila areagotu du Pennsylvania, Maryland, Delaware eta Connecticut estatuetan; Bernie Sanders senatariak Rhode Islanden baino ez du irabazi.
AEBetako Presidentetzarako demokraten hautagaia izateko, 2.383 ordezkari behar ditu Clintonek. Orain arte, 1.500 baino gehiago eskuratu ditu. Sandersek, berriz, 1.200 baino gehiago.
Zure interesekoa izan daiteke
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.