Olinpiar Jokoetan atentatuak egin nahi zituen talde bat desegin dute
Brasilgo Polizia Federalak hamar lagun atxilotu ditu; izan ere, lagun horiei egozten zaie Rio de Janeiroko Olinpiar Jokoetan egiteko atentatuak prestatzen ibiltzea. Hala adierazi dituzte 'O Globo' egunkariak aipatutako hainbat iturrik.
Operazioa Sao Paulo eta Paranan egin dute, eta adingabe bat dago tartean. Kontsultatuko iturrien arabera, taldea Estatu Islamikoak sortu du, Interneten bidez.
Justizia ministro Alexandre de Moraesek agerraldia egingo du, ostegun honetan, operazioaren gaineko xehetasun gehiago emateko helburuarekin. Ez da baztertzekoa atxiloketa gehiago gauzatzea.
"Mehatxua zen"
Ministroak azaldu duenez, atxilotuak mezu-aplikazioen bidez bidaltzen zizkioten komunikazioak elkarri; testuetan, "Estatu Islamiko eta terrorismoaren gaineko iruzkin arruntak izatetik, prestatzeko ekitaldiak izatera igaro ziren", xede izanik, ustez, Olinpiar Jokoetan atentaturen bat egitea.
"Taldea ez zen profesionala, ez zegoen antolatuta, baina mehatxua zen", esan du ministroak; haren hitzetan, nahiz eta taldeak, antza, koordinaziorik ez zuen, "segurtasun-indarrek ezin dute kontua baztertu".
Ministroak azaldu duenez, agintariek baieztatuta zuten taldeak negoziazioak zituela zabalik Paraguain dabiltzan arma-saltzaile klandestinoekin, xede izanik gutxienez AK 47 fusil bat lortzea; dena den, argitu duenez, "ez dago baieztatuta lortu izatea".
Jokoak abuztuaren 5ean hasiko dira
Olinpiar Jokoak Rio de Janeiron egingo dituzte, abuztuaren 5etik 21era, eta Latinoamerikako lehen Jokoak izango dira. Segurtasuna izan da, hain zuzen, eztabaidagairik nagusienetakoa azken hilabeteotan.
Frantziako Gobernuak aste honetan bertan argitu dio Brasilgoari ez zuela mehatxu terroristaren zantzurik; hainbat hedabideren arabera, Estatu Islamikoak erakartze batzuk zituen eginak.
Interneten dabilen informazio jihadista aztertzen duen SITE web orriak jakitera eman duenez, Ansar al Jilafa izeneko talde batek, Brasilgoa bera, Abu Bakr al Baghdadik zuzentzen duen erakundearekiko leialtasuna zuen aldarrikatuta.
aldarrikatuta.Zure interesekoa izan daiteke
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.