Obamak Clinton babestu du: 'Inoizko hautagairik prestatuena da'
"Lasai esan dezaket, AEBko Presidentetzarako inoizko hautagairik prestatuena da Hillary Clinton", esaldi horrekin, babes hertsia eskainita, Hillary Clintoren alde egin du Barack Obama AEBko presidenteak Alderdi Demokrataren biltzarrean. Nabarmendu duenez, AEBko lehen emakume presidentegaia bera edo Bill Clinton baino askoz hobeto prestatua dago kargurako.
"Lekukoa emateko prest" agertu da Obama, eta lausenguak baino ez ditu izan bere ondorengoa izan daitekeenari. "Krisi betean egonda ere, pertsonei entzuten die Hillaryk, lasai egoten da, eta errespetuz tratatzen ditu. Kale egiteko aukerak handiak direnean ere, bera hondoratzeko saiakerak ugariak izanda ere, Hillary ez da inoiz errenditzen, inoiz ere ez", azpimarratu du.
Boto-emaile demokratei Clintonen alde egiteko eskatu die Obamak, behinola bere alde egin zuten bezala. Duela 12 urte, bere hautagaitza lehen aldiz aurkeztu zuenean, aipatu zuen "itxaropena" AEBko herritarrak dira, gogorarazi du.
Trumpen aurrean, "baikortasuna"
Donald Trump hautagai errepublikanoarentzat, aldiz, hitz gogorrak izan ditu buruzagi estatubatuarrak. "AEB herrialde handia eta indartsua da. Zin dagizuet, gure handitasuna, gure indarra, ez da Donald Trumpen menpe egongo", aldarrikatu du.
Trumpek eta errepublikanoek darabilten diskurtso apokaliptikoari aurre eginez, AEB "ausardiaz, baikortasunez, zintzotasunez eta eskuzabaltasunez" beteta dagoen herrialdea direla azpimarratu du Obamak.
Harago jo du presidente estatubatuarrak, eta esan du "amets amerikarra" ez duela "inongo harresirik geldituko", Trumpek Mexikoko mugan egin asmo duen hormari erreferentzia eginez.
Obamaren aburuz, "esloganak baino ez ditu ahoan Trumpek, beldurra baino ez du sortzen".
Besarkatuta
Obamak hitzaldia bukatu duenean taula gainera igo da Clinton, eta biak besarkatu dira, publikoaren txalo artean.
Etxe Zurirako hautagaitza onartzeko hitzaldia egingo du gaur Clintonek, eta horrelaxe bukatuko da biltzarra.
o da biltzarra.Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.