Mayo Plazako Amen presidentea atxilotzeko agindua eman dute Argentinan
Hebe de Bonafini Mayo Plazako Amak giza eskubideen elkarteko presidentea atxilotzeko agindua eta Argentinatik alde egitea debekatzeko agindua eman du gaur epaile batek, iturri juridikoek jakitera eman dutenez. Estatuari ustez egindako iruzurragatik auzia zabaldu zioten eta De Bonafini ez da deklaratzera joan.
Marcelo Martinez de Giorgi magistratu federalak hartu du erabakia ‘Sueños Compartidos’ auziaren markoan. Epailea etxebizitza sozialen eraikuntzako programa baten bidez Administrazioari ustez egindako iruzurra ikertzen ari da. Ekimena Mayo Plazako Amen Fundazioak kudeatu zuen.
87 urteko De Bonafini ez zen epailearen aurrean agertu uztailearen 6an, aurreko hitzorduan. Gaur deklaratzeari uko egin dio berriro, eta Poliziak indarrez behartzea espero zuten.
Hala, Gomez de Olivera Argentinako Polizia Federaleko komisariordea elkarteko egoitzan agertu da, hiriburuko erdialdean, eta epaile federalak prestatutako "agindua bete" behar zuela azaldu du.
Bitartean, ia aldi berean, De Bonafini Mayo plazara joan da furgonetan. 1977tik ostegunero protesta egiten du elkarteak bertan, Gobernu nazionalaren egoitzaren aurrean, zapi zuriekin jantzita.
Ehunka lagunek emakumeari babesa eman diote ibilbidean eta oraingoz ez dute atxilotu.
Ehunka lagunek Hebe de Bonafiniri babesa eman diote Buenos Airesen. Argazkia: EFE
Bonafini: "Desagerrarazi egin nahi digute"
Plazan hitzaldia eman du elkarteko presidenteak. Polizia Mayo Plazako Amen egoitzara bidaltzea "lotsagarria" dela salatu du De Bonafinik. Presidentearen hitzetan, "ikaratu" nahi dituzte.
Atxiloketaren beldur ez dela adierazi du De Bonafinik, diktadura militarrean (1976-1983) "askotan" atxilotu zutelako. "Desagerrarazi egin nahi dute, baina nahiz eta hil borrokan jarraituko dugu", azpimarratu du.
Bestalde, buruzagi kichneristen presentzia eskertu du Hebe de Bonafinik. Mauricio Macriren Gobernua kritikatu du, ostera, "herria jazartzeagatik" eta "hondamendia ekartzeagatik".
Hitzaldia amaitu ondoren, eta jendetzaren artean, emakumea furgonetan sartu da berriz, eta elkarteko egoitzara eraman dute.
Auzian, magistratuak beste 42 pertsona deitu ditu, horien artean Nestor Kirchner (2003-2007) eta Cristina Fernandez haren emaztearen gobernuetako politikariak eta goi-kargudunak. Etxebizitzak eraikitzeko funtsak "legez kanpo" lortu eta kudeatzeko orduan, "funtzionario publikoek egiten utzi" ote zieten egiaztatu nahi du epaileak.
hi du epaileak.Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.