Olinpiar Jokoen erronkari krisi betean egingo dio aurre Brasilek
2009an Olinpiar Jokoak antolatzeko agindua jaso zuenean, Brasil modan zegoen. Herrialdearen per capita errenta % 19 hazi zen urte hartan, eta Rio de Janeirorena, % 30. Hazkundeak ongizatea zabaldu zuen, eta 20 miloi pertsona pobrezia egoeratik ateratzeko aukera eman zien brasildarrei. 2014ko Munduko Futbol Txapelketa, eta, batez ere, gaur hasi behar diren Olinpiar Jokoak bide oparo baten gailurra izatea espero zuten.
Dena okertu egin da, ordea. Ekonomiak ia % 4 egin du atzera, ustelkeria kasuak denera zabaldu dira, eta Dilma Rousseff presidentea eta haren alderdia, Langileen Alderdia, ezbaian dira. Hori gutxi balitz, zika birusaren mehatxupean dago Brasil.
Hego Ameriketan egiten diren lehen Olinpiar Jokoek krisi betean harrapatu dute Brasil. Egoera politikoa ezin nahasiagoa da. Bi presidente daude, bata behin-behinekoa, Michel Temer, eta kargutik kendutako Dilma Rousseff.
Rousseff, behin betiko alboratzear
Hitzordu olinpikoak ez du itsasaldi politikoa baretu, eta atzo bertan brasildarrek aukeratutako Dilma Rousseff presidentea kargutik behin betiko kentzeko pauso bat eman zuen Senatuak.
Aldeko 14 boto eta kontrako bostekin, prozesuak aurrera jarraitzeko argi berdea eman zuen. Senatarien ustez, Rousseffek "Konstituzioaren kontrako atentatua" egin zuen aurrekontuak kudeatzeko unean.
Txosten gogor hori mahai gainean, bi bozketa egin behar dituzte orain Senatuan: bata, datorren asteartean, eta bigarrena, abuztu amaieran.
Rousseff, 'impeachment'a berretsi zeneko bezperan. EFE
Bigarren bozketa horretan gehiengo batek Rousseffen kontra bozkatuko balu, Langileen Alderdiko burua behin betiko kargugabetuko lukete.
Hori horrela, Temer bilakatuko litzateke Brasilgo presidente - maiatzaren 12tik du behin-behineko kargua- 2019ko urtarrilaren 1era arte. Roussefferen aldekoek "estatu kolpea" egitea egotzi diote.
Inaugurazio ekitaldia
Ingurumaria honetan, Jokoen inaugurazio ekitaldian egoteari muzin egin diote Rousseffek eta Lula da Silva haren aurrekoak. Bien aldekoek iragarri dutenez, txistu eta oihu artean hartuko dute Temer.
Krisi politiko honek eraginda akaso, Estatu eta gobernuburu kopuru "apala" izango da ekitaldian. Oraingoz, 45 ordezkarik bakarrik esan dute joango direla (Londresen eta Pekinen ia 100 izan ziren).
Pentsa daitekeenaren kontrara, brasildarrek ez dituzte Olinpiar Jokoak gogo betez hartu. Askoren iritzian, ez da onargarria krisi ekonomiko latzean dagoen herrialde batek Jokoetarako "lan zentzugabeak" egin behar izatea. "Pobreenei" kalte egin dien "hirigintza espekulazioa" salatu dute beste batzuek.
Brasilgo jarraitzaile batzuk bakea aldarrikatzen. EFE
Izan ere, Olinpiar Jokoek apenas lagundu dute Brasilgo ekonomia suspertzen. Hasiera batean, inbertsoreen arreta bereganatu zuen Riok finantzen "porrota" ezarri zuen duela bi hilabete, eta langile publikoen soldatak ordaintzen laguntzeko dirua eskatu zuen.
Hori guztia gutxi balitz... zika
Krisi ekonomiko eta politikoaz gain, zika birusak gogor astindu du Brasil. Azkenaldian egoera zertxobait lasaitu bada ere, oraindik kezka handia dago lehiakideen eta ikus-entzuleen osasuna dela eta. Beldurrez, kirolari askok Jokoetan parte hartzeari uko egin diote, besteak beste, Milos Raonic, Simona Halep eta Bryan anaia tenislariek edota Jason Day golf jokalariak.
Nazioarteko Olinpiar Batzordeak eta Osasunaren Mundu Erakundeak gomendio sorta kaleratu dute.
Jokoetako langile bat, zika birusaren kontrako elastikoa soinean. EFE
Zure interesekoa izan daiteke
Osasunaren Mundu Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Egoera oso bestelakoa da duela hamar urtekoarekin alderatuta: mundua zatituago dago, zorpetuago eta herritarrak babesteko gaitasun txikiagoarekin. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.
Zazpi zauritu, horietako lau larri, Modenan izandako auto harrapaketa batean
Atxikitzen saiatu den pertsona bati laban batekin egin dio eraso gidariak. Lekukoek baztertu egin dute istripua izan denik, "orduko 100 kilometro orduko abiaduran zihoalako autoa, Modena hirigunean".