Errefuxiatuen krisian konpromiso gehiago eskatu dio EBk G20 taldeari
Gaur hasi den G20 taldearen goi-bilerari harian, errefuxiatuen krisian konpromisoa handiagoa erakusteko eskatu diote Europar Batasuneko buruzagiek G20 taldeari. Halaber, siderurgia sektorean erreformak bizkortzeko eskaria egin diote Txinari.
Nazioarteko ekonomia dinamizatzeko mundu mailan sortu dituen espektatibei erantzuteko ere eskatu diote Donald Tusk Europako Kontseiluko presidenteak eta Jean-Claude Juncker Europako batzordeko presidenteak G20 taldeari. "Krisi urteen ondoren hazkundea bultzatu eta konfiantza sor dezakegula erakutsi behar dugu", adierazi du Junckerrek.
Txinako Hangzhou hirian gaur biharretan egingo den goi-bileraren atarian Tuskek eta Junckerrek adierazi dutenez, G20 taldeak errefuxiatuen krisiari erantzun gehiago eman behar dizkio, Europak 'sakrifizio neurrigabea' egin duela iritzita. "Mundu mailako erantzun bat eskatzen duen mundu mailako erronka" dela adierazi ostean, krisi hori gainditzeko mekanismoak "muturrera iristen" ari direla nabarmendu du Tuskek.
Europako iturriek zehaztu dutenez, errefuxiatuen krisien zamaren zatirik handiena Europar Batasunak, Turkiak, Jordaniak eta Libanok hartu dute beren gain; aldiz, G20 taldea osatzen duten beste herrialde batzuek, Kanadak, Txinak, Errusiak edota Japoniak kasu, ez dute ezer egin eta AEBk "pixka bat" baino ez.
Siderurgia sektorean erreformak eskatu dituzte
Txinaren gehiegizko industria gaitasunak sortzen dituen arazoak -bereziki altzairuaren sektorean- eztabaidatzeko ere eskatu die Europako buruzagiek Txinako goi-bileran parte hartuko duten G20 taldeko herrialdeei. "Europar Batasuneko siderurgiaren interesak defendatzeko erabakia hartuta daukagu", esan du Junckerrek.
Hori dela eta, Txinako altzairuaren gehiegizko ekoizpenari jarraipena emateko mekanismo baten beharra nabarmendu dute.
Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.