Santosek 'kolonbiar guztien izenean' jaso du Bakearen Nobel saria
Juan Manuel Santos Kolonbiako presidenteak Bakearen Nobel saria jaso du larunbat honetan, Kolonbiako Indar Armatu Iraultzaileekin (FARC) bakea sinatzeagatik. Bere aburuz, sari horrek "ezinezkoa dena posible izan daitekeela" erakusten du, bere herrialdean gerra amaitu egin baita.
Santosek "kolonbiar guztien izenean" jaso ditu Bakearen Nobel sariaren irabazle bihurtzen duten diploma eta domina Osloko udaletxean (Norvegia) , mila pertsona baino gehiagoren aurrean, egin den ekitaldi batean.
"Gure herriari herrialde osoan zehar hainbeste sufrimendu eta larritasun eragin dion guda bukatu egin da", adierazi du Santosek, eta bake hori "egonkorra eta iraunkorra" izateko beharrizana azpimarratu du.
Bakea bukatzeko bere "ahalegin irmoengatik" jaso du saria Santosek, eta, bere esanetan, "zerutik eroritako oparia izan da". "Gure itsasontzia noraezean zebilela zirudien une batean, Nobel Saria gure helmugara, bakearen portura, heltzea bultzatu digun aldeko haizea izan da!", azaldu.
Santos ziur dago Kolonbiako bake-prozesuak eredu gisa balio dezakeela munduan zehar dauden beste gatazka armatu batzuk bukatzeko. Aipatu dituenen artean Siria, Yemen edota Hego Sudangoa daude. "Bakearen eguzkiak distira egiten du Kolonbiako zeruan. Haren argiak mundu guztia argizta beza!" aldarrikatu du.
Dylan ez egotea izan da albiste nagusiena gainerako Nobel sarien emate-ekitaldian
Ordu batzuk geroago, arratsaldez, abenduaren 10ean urtero egiten den legez, Stockholmen egin dute gainerako Nobel sarien (Medikuntza, Fisika eta Kimika, Literatura eta Ekonomia) emate-ekitaldia. Bertan, Suediako Carlos Gustavo erregeak banatu ditu sariak, eta ekitaldiko gauzarik nabarmenena Bob Dylan Literatura sariaren irabazlearen ez egotea izan da albiste nagusiena; alabaina, "A Hard Rain's A-Gonna Fall" bere abestia Patti Smithen ahotan entzun ahal izan dute bertaratu direnek.
Abeslari estatubatuarrak agertokitik abestu du Dylanen kanta, eta geldiune bat egin behar izan du. "Barkatu, barkatu, oso urduri nago", esan du artistak.
Horrez gain, sari-banaketan zehar saridunetako bat ekitalditik atera behar izan dute. Duncan Haldane eta Michael Kosterlitz kideekin batera fisikako saria eskuratu duen David Thouless-ek (82 urte) agertokitik eraman dute bere osasun egoera dela-eta (aurretiaz egindako ekitaldietan ere ez du parte hartu).
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.