Obamak, agur ekitaldian: 'Bai, ahal dugu. Bai, egin dugu'
Barack Obama Ameriketako Estatu Batuetako presidenteak agur-ekitaldia eman du Etxe Zuria utzi aurretik, AEBko Presidentetza uzteko hamar egun falta zaizkionean. Donald Trumpek urtarrilaren 20an hartuko du presidente kargua, azaroaren 8an egindako hauteskundeak irabazi eta gero.
Obamak esker onak eman dizkie AEBri eta estatubatuar guztiei, haiengandik "egunero ikasi" eta horiei esker "presidente hobea" izatea lortu baitu. "Pertsona hobea egin nauzue", nabarmendu du.
Horren ildotik, estatubatuarren zerbitzura aritzea "ohorea" izan dela esan du Obamak eta, gainera, "bertan", estatubatuarren alboan, "gainerako egunetan", jarraitzeko konpromisoa hartu du. "Sinistea eskatzen dizuet", erantsi duenez. "Yes, we can", esan du, lehen kanpainako leloa gogora ekarrita -'Bai, ahal dugu'-. "Bai, egin dugu", gaineratu du ondoren.
Era berean, presidente estatubatuarraren esanetan, "aldaketa gertatzen da jendeak parte hartu eta aldaketa lortzeko elkarrekin bidea egiten duenean". Halaber, Obamaren arabera, azken zortzi urteetan hartutako neurriei esker, "Estatu Batuak hobe eta indartsuagoak dira".
Legealdi berriari begira, Obamak gogorarazi egin du arrazak "indar handienetako bat" izaten jarraitzen duela, eta gizarte estatubatuarrean "askotan zatitzailea" ere badela erantsi du. Edonola ere, arrazen arteko harremanak, AEBn, "orain dela 10, 20 edo 30 urtekoak baino hobeagoak dira, jendeak esaten duena gorabehera".
EIaren aurkako borrokari dagokionez, Obamak adierazi du nazioarteko koalizioak, Washingtonek gidatuta, "buruzagiak desagerrarazi eta hartuta zuten lurraldearen erdia baino gehiago uztera" behartu dituela; gainera, AEBko Armadako soldadu guztiei eskerrak eman dizkie. "Nire bizitzako ohorea izan da zuen komandanteburua izatea".
Halere, bizimodu estatubatuarra defendatzeko Armada baino gehiago behar dela esan du, "demokrazia edozein momentutan eror baitaiteke beldurraren aurrean etsi egiten denean".
"Horregatik ez dut onartzen musulman amerikarren aurkako diskriminazioa; gu bezain abertzaleak dira. Hortaz, ezin dugu etsi. Mundu osoan demokrazia hedatzeko borrokan jarraitu behar dugu: giza eskubideak hedatzeko, emakumeen eta LGTB kolektiboaren eskubideak hedatzeko... ahaleginean egindako akatsak gorabehera, eta balore horiei buruzko iritzia dena delakoa izanda", erantsi du.
si du.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.