Hamon eta Vallsek lehiatuko dute sozialisten hautagaitza Frantzian
Benoit Hamon Hezkuntza ministro ohiak (botoen % 36,12) eta Manuel Valls lehen ministro ohiak (% 31,24) lehiatuko dute Frantziako sozialisten primarioetako bigarren itzulia, lehen itzuliko behin-behineko emaitzen buru geratu baitira igande honetan.
Arnaud Montebourg Ekonomia ministro ohia geratu du hirugarren postuan, botoen % 17,69 bilduta, eta datorren igandean Hamoni bozkatzeko deia egin du.
Montebourgek esan duenez, Vallsek lortu duen % 31,24 hori Francois Hollande Frantziako presidentearen bosturtekoari gaitzespen "masiboa" izan da, eta baita "ekonomikoki eta ekologikoki bultzada emateko estrategia argi bat, finantza-sistemaren kontrola berreskuratzeko, eta eredu soziala aldarrikatzeko" ere.
Barne-hauteskundeak kudeatu dituen Goi Agintariak eman ditu lehen zifrak 3.090 hauteskunde-mahai inguru zenbatuta, bozkatzeko gertu egon diren 7.530etik.
Lehenengo itzulian beste lau hautagai ere egon dira lehian: Vincent Peillon Hezkuntza ministro ohia (% 6,82), François de Rugy ekologista (% 3,81), Sylvia Pinel ezkerreko alderdi erradikalaren ordezkaria (% 2) eta Jean-Luc Bennahmias (% 1,01 Fronte Demokratako burua.
Alabaina, horietako inork ez du botoen % 7 gainditu, eta guztien artean okerren Bennahmias geratu da, % 1a eskuratuta soilik.
Gaurko parte-hartzearen zenbatekoa bi milioikoa izatea espero da, 2011n egin ziren sozialisten primarioetako lehen itzulian baino gutxiago, orduko hartan parte-hartzea 2,6 milioikoa izan baitzen.
Zure interesekoa izan daiteke
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.