Fillonek ez du atzera egin eta eskuina irtenbide bila ari da
François Fillon Frantziako hauteskunde presidentzialetako eskuineko hautagaiak aurrera egiteko asmoari eutsi dio, kanpainan desertzioak izan dituen arren. Fillonen alderdiak, berriz, premiazko bilera deitu du astelehenerako, krisialdiari irtenbidea emateko.
Fillonek mitina eman zuen Aubervilliersen larunbatean, Paris kanpoaldean, eskuineko hainbat arduradunek Eliseorako ibilbidetik bazter dadin eskatzen dioten bitartean. Hautagai eskuindarrak, aldiz, ez du atzera egin, hiritarren borondatean oinarrituta: "Intimidatu egin nahi gaituzte. Niri eraso egiten ari dira, errekuperazio nazionala eta aldaketa-borondatea bertan behera uzteko", esan zuen mitinean.
Nahiz eta jakin azken asteotako ikerketak bere egitaraua eztabaida publikotik at utzi dela, helburua guztiz baztertzea dela salatu zuen agerraldian.
Hitzaldia ematen ari zenean, Fillonen alderdiak premiazko bilera deitu zuen astelehen arratsalderako, hasieran aurreikusitakoa baino 24 ordu lehenago, "egoera aztertzeko". Ofizialki inork ez du adierazi oraindik plan alternatibo baten bila ari direnik, Alain Juppek Fillon ordezka dezan.
Fillonen aldeko kontzentrazioa
Biharko batzarra baino lehen, kontzentrazioa antolatu dute gaur Parisen, Trocadero zelaigunean. Milaka pertsona biltzea espero dute, Filloni babesa adierazteko.
Parte hartzaileak kontrolatu eta epaileen zein prentsaren aurkako adierazpenak saihesteko, pankartak debekatu dituzte, eta Frantziako banderak baino ez dituzte onartuko. Izan ere, Fillonen kontrako iskanbila antolatu izana leporatu diete epaileei eta hedabideei Fillonen jarraitzaileek.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.