Erasoek ez dute etenik Sirian, guda hasi zela sei urte bete ostean
Gutxienez bederatzi pertsona hil dira gaur Siria iparraldean, Idleb eta Maarat al Masriyin hirietan egindako bonbardaketetan, Giza Eskubideen Siriako Behatokiak aditzera eman duenez.
Hildako gehien Idleben izan dira, izen bereko probintziako hiriburuan, hain zuzen ere. Antza denez, Errusiako hainbat hegazkinek bi eraso egin dituzte Al Qusur eremuan, eta gutxienez lau adingabe eta lau emakume hil dira.
Gaur, 2017ko martxoaren 15ean, sei urte bete dira Baxar al-Asad presidentearen aurkako herri-errebolta hasi zela. Siriako gudan 321.000 pertsona hil dira, oraingoz, eta 12 milioi siriarrek alde egin behar izan dute, Giza Eskubideen Siriako Behatokiaren arabera.
2016an hil ziren ume gehien Siriako gatazkan. Unicef erakundeak azaldu duenez, iaz egiaztatu zituzten hilketa, mutilazio eta errekrutatu gehien: 652 haur hil zituzten, 2015ean baino % 20 gehiago; horietatik 255, eskola batean edo eskola batetik gertu. Beste 850, berriz, borroka egiteko errekrutatu zituzten, 2015ean bildutakoen bikoitza. Zenbait kasutan, gainera, hiltzaile bihurtzeaz gain, terrorista suizidak edo kartzelariak izatera behartu zituzten.
Siriako oposizioak bat egingo du gaur Astanako negoziazioekin
Bestalde, Siriako oposizioaren ordezkaritza gaur gauean iritsiko da Astanara, herrialde arabiarreko gatazkarekin amaitzeko abiatutako bake-elkarrizketekin bat egiteko, Anuar Zhainakov Kazakhastango Kanpo Harremanetarako bozeramaileak Efe agentziari esandakoaren arabera.
"Oposizioaren hegoaldeko eta iparraldeko armadetako ordezkariak gaur gauean iritsiko dira", erantsi du Zhainakovek, astelehean bertara ez zirela joango esan bazuten ere.
Amnistia Internazionalak Siriako gudako biktimei justizia egitea eskatu
Amnistia Internazionala erakundeak kanpaina berezia ipini du martxan, Siriako gudaren seigarren urteurrena dela eta. Munduko buruzagiei ekimenak eskatu dizkie, biktimei justizia, egia eta erreparazioa bermatzeko.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.