Ruttek irabazi ditu hauteskundeak Holandan, baina 8 eserleku galduta
Mark Rutte VDD alderdi liberalaren ordezkari eta Holandako lehen ministroak irabazi ditu asteazkenean egindako hauteskundeak, 33 eserleku lortuta, botoen % 94 zenbatuta daudenean.
Aldiz, Geert Wilders Askatasunaren Alderdiko (PVV) liderrak 20 ordezkari lortu ditu, eta CDA kristau-demokratek eta D66 zentroko alderdiak, 19na.
Hala, behin betiko emaitzek aurreko hilabeteetako inkestak baliogabetu dituzte, Wildersen PVV alderdia irabazle gisa aurkezten baitzuten.
Ruttek, baina, zortzi eserleku galdu eta Wildersek bost irabazi ditu, aurreko hauteskundeetako emaitzekin alderatuta.
Lehen ministroak galdutako babesa, zenbait adituk Eferi azaldu diotenez, Ruttek azken urteetan inposatutako austeritate neurrien ondorio da.
Edonola ere, atzoko hauteskundeetako galtzaile handiak PvdA laboristak dira (egungo gobernu koalizioan daude VVDrekin batera), 29 eserleku galdu baitituzte, 9rekin geratuta.
Horien aurrean, gehien hazi den alderdia GroenLinksen berdeak dira. Orain arte lau ordezkari baino ez zuen, eta 15 izatea lortu du.
DENK arrazismoaren aurkako alderdia Parlamentuan sartuko da, lehen aldiz, hiru diputaturekin.
Wilders, goizaldean, porrota onartu duenean. Argazkia: EFE
Parte hartzeari dagokionez, herritarren % 82k jo du bozkatzera, aurrekoetan baino 8 puntu gehiago, % 74,6koa izan baitzen.
Rutte pozik agertu da Hagan egin duen ekitaldi batean. Han, Geert Wilders ultraeskuindarraren "populismo okerra" garaitu dutela adierazi du.
"A ze gaua! Geldiaraztea eskatu genuen. Geldiarazi ezazue. Populismo okerra geldiarazi dugu", esan du VDDren hautagaiak.
Bestalde, Wildersek porrota onartu du, baina "lau eserleku gehiagoren irabazle" bezala agertu da.
Holandako politikari ultraeskuindarrak "hurrengo koalizioan leku bat" eskatu zuen, baina alderdi gehienek baztertu egin zuten aukera hori hauteskunde kanpainan.
"Udaberri abertzalea da honakoa. Ni borrokalaria naiz, ez populista. Gure eragina handia da", gaineratu du Askatasunaren Alderdiko buruak.
Gobernatzea nahiago duela erantsi du, baina Holandan "oposizio irmoa egiteko prest" azaldu du.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.