McGuinness Ipar Irlandako lehen ministro orde ohia zendu da
Martin McGuinness Ipar Irlandako lehen ministro orde eta Sinn Feineko kide ezaguna izan zena hil da gaur, asteartea, 66 urte zituela, The Independent egunkariak eta alderdiak berak zabaldu dutenez.
McGuinnessek urtarrilean utzi zuen kargua, Arlene Foster lehen ministroarekin zituen desadostasunak zirela medio, energia-programa polemiko bat dela eta. Ondorioz, hauteskundeak aurreratu behar izan zituzten.
Horren inguruko zehaztasunik eman ez badute ere, orain gutxi jakin da gaixotasun arraro bat zuela, amiloidosia, eta bi aste eman ditu ospitalean.
McGuinness Irlandako Armada Errepublikanoaren (IRA) komandante ere izan zen.
Gerry Adams Sinn Feineko presidenteak McGuinnessek "bere bizitza osoan erakutsitako erabakitasuna, duintasuna eta umiltasuna" goraipatu ditu. "Gaixo egon den epe labur horretan ere" hala jokatu du, esan du Adamsek.
"Errepublikazale amorratua zen, bakearen eta adiskidetzearen alde lan egin zuen gogotik, baita bere herrialdearen bat egitearen alde ere", Sinn Feineko presidente eta McGuinnessen lagun eta kideak azaldu duenez.
Gauza asko lortu zituzten elkarrekin, besteak beste, armagabetzea gauzatzera bultzatu zuten IRA, bake prozesu arrakastatsua martxan jarrita. Prozesu horren bukaeran, Gobernua osatu zuten 1998an.
McGuinness, Jonathan Powell eta Paul Riosekin batera, 2014an Loiun. Artxiboko argazkia: EFE
Enda Kenny Irlandako lehen ministroaren esanetan, McGuinness beti "gogoratuko dute egindako ibilbide politikoagatik", borroka armatutik lehia demokratikora eraman baitzuen. "Bakea gailendu egin behar zela sinistu ez ezik, horren alde azkeneraino lan egiteko konpromisoa ere hartu zuen", erantsi du.
Bestalde, Michelle O'Neill Sinn Feinen Ipar Irlandako buruak adierazi duenez, McGuinness politikako mitoa eta handia izan zen, bakerako eta prozesu demokratikorako bidean ezinbestekoa. "Bihotza urratuta daukat gaur goizean", esan du Twitterren duen kontuan.
Horiez gain, Theresa May lehen ministro britainiarrak McGuinnessen bakea lortzeko egindako ekarpena "ezinbestekoa" eta "historikoa" izan da.
Ohar baten bidez, Mayk nabarmendu du McGuinnessek "lan erabakigarria" egin zuela IRAk indarkeria bazter zezan.
Tony Blair Erresuma Batuko lehen ministro ohia triste agertu da heriotzagatik, eta McGuinness barik bakea ez zela inoiz Ipar Irlandara iritsiko adierazi du. Blairrek McGuinnessekin negoziatu zuen 1998ko Ostiral Santuko bake akordioa.
"Iragana gorabehera, nik ezagututako Martin gizon konprometitua, gogoetatsua eta zentzuduna izan zen", azpimarratu du Blairrek.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.