Gutxienez 36 pertsona hil dira Manilako kasino batean izandako erasoan
Gutxienez 36 pertsona hil eta 54 zauritu dira Filipinetako hiriburuan, Manila iparraldean, Resorts World ostatu-gunean izandako lapurretan. Zehazki, kasinoak, dendak eta hotel bat hartzen dituen eraikin batean izan da erasoa, Manilako Poliziaren arabera.
Inquirer hedabideen esanetan, erasoan hil diren pertsonak kasinoan zeuden ustezko lapurra bertara sartu denean. Erasotzaileak sua piztu omen du kasinoko mahai batzuetan, eta bertan zeuden lagun asko kea arnastuta hil dira.
Ronald de la Rosa Manilako Polizia Nazionaleko buruak azaldu duenez, 54 pertsona zauritu dira erasoan, eta ospitalera eraman dituzte, asko kea arnastuta intoxikatu baitira. Beste batzuek hezurrak apurtu dituzte ihes egiten saiatu direnean.
Antza denez, lapurra suzko arma batekin sartu da kasinoan. Atxilotzera zihoazenean, bere buruari su emanez immolatu da, eraikinaren bosgarren solairuan.
Bestalde, Estatu Islamikoak Malawin egiten dituen ekintza guztien berri ematen duen iturri baten arabera, Estatu Islamikoaren erasoa izan da.
Alabaina, gertatutakoak ez duela helburu terroristekin loturarik izan baieztatu du Manilako Poliziak, eta erasotzailea kasinoan bakarrik sartu dela nabarmendu du. Dena den, inguruan beste pertsona armatu bat ikusi dutela esan dute lekuko batzuek.
Pasay inguruan dagoen Resorts Worldeko bigarren solairuan sartu da lapurra, eskuetan M-4 fusil bat zeramala. Dena dela, erasoaren egileak ez du inoren kontra tiro egin.
Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.