Comeyk esan du Trumpek gezurrak erabili zituela bere izena zikintzeko
James Comey FBIren zuzendari ohiak, zergatik kaleratu zuten azaltzeko, ziurtatu du Donald Trumpen AEBko Gobernuak gezurren bidez "difamatu" zuela kargutik kentzeko.
Comeyk Senatuko Inteligentzia Batzordearen aurrean azaldu duenez, "harrituta" geratu zen presidenteak FBIko buruzagitzatik kentzea erabaki zuenean.
Era berean, Trumpek maiatzaren 9an kaleratu zuen Comeyk esan du agintari errepublikanoaren Administrazioak "gezurrak" esan zituela berari buruz.
"Administrazioak ni difamatzea aukeratu zuen eta, modu larriagoan FBI, erakundea kaosean murgilduta zegoela esan zuenean, eta langileek buruarengan konfiantza galdu zutela esan zuenean. Horiek gezurrak izan ziren argi eta garbi", adierazi du Comeyk.
Filtrazioak aitortu ditu
FBIren zuzendari ohiak aitortu du filtrazioak egin zituela prentsan lagun baten bitartez, presidentearekin izandako elkarrizketei buruzko informazioa hain zuzen ere, Trumpek Twitter bidez "zintak" argitaratzeko mehatxua egin ostean.
Mezu horretan, hauxe adierazi zuen Trumpek: "Hobe du gure elkarrizketen zintarik ez egotea prentsari filtrazioak egiten hasi aurretik".
Comeyren esanetan, txio hori irakurri zuenean ohartu zen bazitekeela zintek bost elkarrizketen bertsioak "berrestea"; hori dela eta, bere bertsioa filtratzea erabaki zuela.
Bere bertsioarengan duen konfiantza azpimarratzeko, Comeyk zintak egotea espero duela errepikatu du.
Justizia oztopatzea
Comeyk filtratutako idatzietako baten arabera, Trumpek otsailean eskatu zion Michael Flynn segurtasun nazionaleko aholkulari ohia gehiago ez ikertzeko, eta justizia oztopatzeko neurri gisa har liteke hori.
Justizia oztopatzeko delitua presidentea kargutik kentzeko prozesuaren abiapuntu izan liteke, epaiketa politiko edo "impeachment"aren abiapuntu, alegia. Horixe nahi dute oposizioa osatzen duten demokratek.
Horren harira, Comeyk ez du gertatutakoa epaitu nahi izan, eta Robert Mueller auzia daraman fiskalaren lana dela iradoki du.
Trumpek gezurtatu egin du
Trumpek "sekula ez" zion FBIren zuzendari ohiari ikerketarik bazterrean uztea eskatu, adierazi du Marck Kasowitz abokatuak.
Trumpen abokatuak ukatu egin du, Comeyk esandakoaren kontra, segurtasun nazionaleko aholkulari ohiaren ikerketa "baztertzea" eskatu ziola.
Leialtasun eskaerarena ere ukatu egin du, baina zehaztu du "eskubidea" duela "Administrazioari zerbitzua eskaintzen diotenengandik leialtasuna espero izateko".
Washingtongo Prentsaren Klub Nazionalean egindako agerraldian abokatuak galdetu du ea Comey ikertu beharko litzatekeen Trumpekin izandako elkarrizketen edukia filtratzeagatik.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.