Mayren Alderdi Kontserbadoreak irabazi du, baina gehiengo osoa galduta
Theresa May Erresuma Batuko lehen ministroak ordezkatzen duen Alderdi Kontserbadoreak hauteskundeak irabazi ditu, 318 (aurrekoetan baino 12 gutxiago) eserleku eskuratuta, 649 zirkunskripzio zenbatuta daudenean (650 dira guztira). Gehiengo osoa 326 eserlekurekin eskuratzen da.
BBCk telebista kateak jasotako datuen arabera, Alderdi Laboristak 263 (31 gehiago) eserleku lortu ditu. Laboristak emaitzen buruan izan dira zenbaketaren zati handi batean.
Horien bien atzetik, Alderdi Nazional Eskoziarra (SNP), 35 eserlekurekin (-21); Liberal Demokratak, 12rekin (+4); DUP 10ekin (+2) eta, Sinn Fein, 7rekin.
Joera behin betiko emaitzekin baieztatuz gero, lehen ministroak hauteskundeak aurreratzeko egindako apustua antzua litzateke, bere helburua Westminsterren zuen 17 eserlekuko tartea zabaltzea baizen.
Mayk berak esan du ostiral honetan herrialdeak "egonkortasun bolada" bat behar duela eta, gaineratu duenez, bera beti jardun da nazioaren interesen alde.
"Herrialdeak egonkortasun bolada bat behar du, eta emaitzak edozein izanda ere, kontserbadoreek egonkortasuna bermatuko dute herrialdeak bat eginda jarrai dezan", adierazi du.
Hala, bere alderdiak hauteskundeak irabazten baditu, esan duenaren arabera, "egonkortasuna kontserbadoreen esku egongo da, eta hori da egingo duena", BBC telebista kateak zabaldu duenez.
Maidenhead barrutian eserlekua mantentzea lortu ostean egin ditu adierazpenok Mayk, eta berretsi du Brexita zuzen aplikatzeko lan egingo duela.
May, Buckinghamerako bidean
Theresa Mayk Buckingham jauregira joko du gaur Isabel II.a erreginari Gobernua osatzeko moduan egongo dela esateko, nahiz eta gehiengo osoa lortu ez duen, Downing Streeteko bozermale baten hitzetan.
Datozen orduetan heltzea espero da. Izan ere, lehen ministroa 11:30ean GMT (12:30ean, gurean) joatekoa zen erreginarengana, Gobernua osatzeko baimen eske, baina atzeratu egin da. BBCren arabera, Mayk Alderdi Unionista Demokratikoaren babesa izango luke, Ipar Irlandari dagozkion 18 eserlekuetatik 10 eskuratu ostean.
Corbyn, gaur. Argazkia: EFE
Corbyn: ''Brexit'ak aurrera jarraitu behar du'
Jeremy Corbyn Alderdi Laboristaren buruzagiak gaur, ostirala, adierazi duenez, alderdia Erresuma Batua "zerbitzatzeko prest" dago. BBCn egindako adierazpenetan, halere, argi utzi du ez dutela akordiorik ez itunik egingo.
Gainera, Corbynek Mayren dimisioa eskatu du berriz eta, hauteskundeen emaitzak gorabehera, 'brexit'aren gaineko negoziazioek aurrera egiten jarraitu behar dutela azpimarratu du.
John McDonnell Alderdi Laboristaren bozeramale eta Jeremy Corbynen hurbilekoak iragarri duenez, laboristak gutxiengodun gobernua osatzen saiatuko dira Erresuma Batuan, Alderdi Kontserbadorearen ezegonkortasunagatik, gehiengo osoa galdu ostean.
"Ez dut inor iraindu nahi, baina uste dut ez dela benetako lehen ministro bat bezalakoa, ezin du bizirik iraun, eta zenbait parlamentari kontserbadorek esan dute esparru pribatuan ezingo diola eutsi egoerari", esan du MacDonnellek BBC telebista katean.
Izan ere, Farageren adierazpenen ostean, Paul Nuttall UKIPen gaur egungo buruzagoak dimisioa eman du, lortutako emaitza txarrengatik, ez baitu ordezkaririk lortu eta, gainera, % 1,8ra jaitsi da jasotako botoen ehunekoa.
Nigel Farage, artxiboko argazkian. Iturria: EFE
Farage, 'brexit'agatik kexu
Nigel Farage Erresuma Batuaren Independentziaren aldeko Alderdiko (UKIP) buru ohia kexu agertu da Alderdi Kontserbadoreak lortutako emaitzengatik, gehiengo osotik urrun, Theresa May lehen ministroaren planak (Europar Batasunetik irteteko) samurtu litezkeelako.
Farage BBCn esan duenez, "benetan" kezkatu duena da David Davis 'brexit'a gauzatzeko ministroak esandakoa. "Agian komeni da merkatu bakarretik eta aduanen batasunetik irtetea birpentsatzea", esan du Davisek oraindik hauteskundeak irabaziko zituztela jakin aurretik.
"Finean, izaerez ari gara. Berak (May) ez du proba gainditu. Ez zirudien lider bat", esan du Farage. Gainera, 'brexit'a arriskuan badago uste badu, baliteke politikara itzultzea esan du Faragek.
Europako Gobernuak akordioa eskatu du
Erresuma Batuan atzo egindako hauteskundeen emaitzek Europar Batasunetik irteteko negoziazioetan eraginik ez izatea espero duela esan du Jean-Claude Juncker Europako Batzordeko (EB) presidenteak.
?Espero dut hauteskundeen emaitzek ez izatea inolako eraginik oraindik hasi ez ditugun negoziazioetan?, esan du Junckerrek ostiral honetan Pragan egindako agerraldian.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.