Gutxienez 61 hildako eta 62 zauritu Portugalen izandako sute batean
Inoiz izandako suterik larriena kontrolatu nahian dabil igande honetan Portugal. Atzo arratsaldean Pedrogao Grande udalerrian piztutako suteak gutxienez 61 hildako eta 62 zauritu eragin ditu, eta litekeena da datozen orduetan hildako kopuruak gora egitea.
Ezbeharra Portugal erdialdean jazo da, Leiria barrutian: hainbat herri txikik eta sakabanatutak osatutako zonaldea da, eta lautada handiak ditu, zenbait errepide nazional tarteka.
Errepide horietan gertatu da tragedia. Antonio Costa Portugalgo lehen ministroak azaldu duenez, 700 suhiltzaile daude lanean (Frantziako eta Espainiako hegazkinek lagunduta), eta itzaltze-lanak asko konplikatu dira gaua bitartean.
Eguna argitu denean, Figueiro dos Vinhos eta Castanheira de Pera udalerrial lotzen dituen errepidean aurkitu dituzte 30 bat lagun hilik, euren ibilgailuetan sartuta. "Familia osoak", João Gomes Estatuko idazkariak argitu duenez, "ikaragarria". Dirudienez, suteak familia horiek harrapatu ditu errepide hartan.
Suhiltzaile bat sugarrak itzaltzen saiatzen ari da. EiTB
EBk laguntza mekanismoa aktibatu du
Sutearen tamaina ikusita, “Portugalgo agintarien berehalako laguntza eskaerari erantzunez, babes zibileko Europako mekanismoa aktibatu dute, suteen aurkako salbamendua emateko, adierazi du Christos Stylianides Laguntza Humanitarioko eta Krisi Kudeaketaren komisarioak.
Frantziak hiru hegazkin eskaini ditu, “eta berehala bidaliko dituzte Portugalgo larrialdietako indarrei laguntzera. Espainiak aldebiko forman hegazkin bat bidali du”, zehaztu du komisarioak.
Ikerketa
Litekeena da zuhaitz lehor baten kontra jo duen tximista batek sutea eragin izana, Portugalgo Polizia judizialak esan duenez. Halere, ikerketa bat behar izango da hori berresteko.
Sutea azkar zabaldu da, eta gaua iritsita tamaina izugarria hartu du, “baldintza meteorologiko guztiz aurkakoak” izan direlako Portugalen larunbat honetan, 40 gradu baino gehiagoko tenperaturekin, azaldu du.
680 suhiltzaile baino gehiago daude elkarlanean sugarrak itzaltzeko jardunean, Espainiatik iritsitako bi hegazkinekin eta Frantziatik iritsitako beste bitarteko batzuekin.
Hiru dolu-egun
Portugalgo Gobernuak hiru eguneko dolu aldia ezarri du herrialdean, ezbeharrean bizia galdu duten pertsonen omenez, Ministroen Kontseiluak ohar batean jakinarazi duenez.
Antonio Costa Portugalgo lehen ministroaren hitzetan, azken urteotan Portugalen izandako “ezbehar handiena” da.
Zure interesekoa izan daiteke
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.