Portugalgo Fiskaltzak ikerketa abiarazi du sutea zerk eragin zuen argitzeko
Portugalgo Fiskaltzak ikerketa abiarazi du dagoeneko "sutea zerk eragin zuen eta horren ondorioak" argitzeko. Sutea aurreko larunbatean hasi zen, eta 64 pertsona hil eta 200dik gora zauritu ditu.
Ministerio Publikoak Eferi baieztatu dionez, prozesua sekretupean dago eta ezbeharraren nondik norakoak argitzea du helburu, herrialdean zalantza hedatu ostean.
Sua larunbat arratsaldean piztu zen Pedrogao Grande udalerrian, Leiria barrutian, seguruenik tximista batek jota, epaitegietako Poliziak 24 ordu baino gutxiagoan adierazi zuenaren arabera.
Alabaina, Jaime Marta Soares Portugalgo Suhiltzaileen Ligako presidenteak zalantzan jarri zuen hipotesi hori, bertsioa ematen oso bizkorrak izan zirelako, eta, antza, tximistak hasi aurretik sua piztuta zegoelako.
Bestalde, Portugalgo agintariek adierazi dutenez, suhiltzaileek kontrolpean hartu dute larunbatean herrialdearen erdialdean piztu zen sutea. 64 pertsona hil eta 200dik gora pertsona zauritu ziren.
Carlos Tavares Babes Zibileko komandantearen esanetan, sua itzaltzen aritu diren 1.200dik gora suhiltzailek lanean jarraituko dute garrak berpiztea eragozteko.
Tavaresek gaineratu duenez, 301 suhiltzaile espainiar ari dira lanean eta datozen orduetan lau hegazkin eta bi helikoptero helduko dira Portugalera, suaren perimetroa ziurtatzeko.
Suhiltzaileek kontrolpean hartu duten azken fokua Goisekoa izan da. Portugal erdialdean dagoen Pedrogao Grande herrian piztu zen sutea (Leiria barrutia), larunbatean.
Azken egunotako tenperatura altuek eta haize zakarrak garrak abiadura handian zabaltzea eragin dute, eta suhiltzaileek bost egun behar izan dituzte sua itzaltzeko. Halaber, orografiak ere sua itzaltzea zaildu du.
Orain kalteak zenbatzen eta sua nola piztu zen hasiko dira.
Zure interesekoa izan daiteke
Bilaketa lanek ez dute etenik Venezuelan, lurrikarak utzitako hondakinen artean
Datu ofizialen arabera, 920 hildako eta 50.000 desagertu baino gehiago utzi dituzte lurrikarek. Espainiako Estatuko herritarrei dagokienez, 5 espainiar hil eta 133 desagertu omen dira.
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.