Bi leherketa izan dira Crosbyko lantegi kimikoan, Harveyren ondorioz
Odol eta txikizio arrastoa utzi du Harvey urakanak Texaseko Estatuan (AEB). Gutxienez 37 pertsona hil dira. Crosby herrian (Harris konderria, urakanak gogorren astinduta eremua) dagoen Arkema zentral kimikoan bi leherketa izan dira bart.
Lantegi kimikoko arduradunek baieztatu dutenez, bi eztanda izan dira 02:00ak aldera. Harris konderriko funtzionarioen arabera, ke beltza ateratzen ari da zentraletik.
Bestalde, Harris konderriko sheriffaren bulegoaren arabera, gutxienez polizia bat eraman dute erietxera, gasa arnastuta intoxikatu baita.
Houston hiritik 40 kilometrora dago Crosby, eta 2.300 bat biztanle ditu.
Leherketa arriskua oso handia zen, eta zentraletik 2,5 kilometro baino gutxiagora bizi diren herritarrak ebakuatu zituzten asteazkenean.
Richard Rowe Arkema SA lantegi kimikoko zuzendariak atzo ohartarazi zuenez, ezinezkoa zen leherketa edo suteren bat saihestea. Roweren hitzetan, Harveyk utzitako uholdeen ondorioz, generadore guztiak urez beteta daude, eta tenperatura baxuetan eduki behar diren gai kimikoak ezin izan dituzte behar bezala hoztu.
Milaka kaltetu
Texas estatuko hainbat hiritan erreskate lanekin jarraitzen dute oraindik, Harvey urakana ekaitz tropikala izatera igaro den arren 30 pertsona baino gehiago hil baitira. Gainera, milaka pertsonek haien etxeak utzi behar izan dituzte. Orain, Louisianako mugara hurbiltzen ari da.
Houstonen eragin ditu kalte handienak, baina azken 24 orduotan bertan ez du euririk egin. Dena dela, 32.000 lagun inguruk behin behineko aterpeetan bilatu behar izan dute ostatua, inguruan bilaketa eta erreskate lanak jarraitzen duten bitartean.
Azken orduotan eguraldiak hobera egin duenez, Houstonen pilatutako ur-maila jaitsi da eta garbiketa lanekin hasteko aukera izan dute. Texas estatuko hiri horretan 6,5 milioi pertsona inguru bizi dira.
Beaumont Harvey urakanaren ondorioz gehien kaltetutako beste hiri bat da. Bertan 120.000 lagun bizi dira, baina etxeetako ura hornidura eten da.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.