AEB: 'Ipar Koreak gerra nahi du'
Ameriketako Estatu Batuaren esanetan, Ipar Koreak "gerra nahi du", eta haren kontrako "neurririk gogorrenak" ezar ditzala eskatu dio Nazio Batuen Erakundeko Segurtasun Kontseiluari.
"Aski da", aldarrikatu du Nikki Haley enbaxadore estatubatuarrak NBEren erakundearen aurrean. Segurtasun Kontseiluak 2006an hartutako jarrerak fruiturik eman ez duela eta neurri berriak hartzeko garaia iritsi dela azpimarratu du. Hala ere, Donald Trumpen Gobernuak ez du zehaztu zeintzuk izan beharko liratekeen neurri berri horiek.
"Ahaleginak egin ditugun arren, Ipar Korearen programa nuklearra aurreratuagoa eta arriskutsuagoa da", ohartarazi du.
Areago, Haleyk adierazi duenez, Kim Jon-unek "gerra nahi du". "Ameriketako Estatu Batuek ez dute gerrarik nahi, baina gure herrialdearen pazientzia ez da mugagabea", zehaztu du.
Batasunerako eta zuhurtziarako deiak
Bestalde, Jeffrey Feltman Gai Politikoetarako NBEren idazkari nagusiaren ondokoak "batasuna" eskatu die Segurtasun Kontseilua osatzen duten herrialde guztiei, Ipar Korearen "probokazioekin" amaitzeko.
Feltmanek aitortu du oso kezkatuta daudela Ipar Koreak egin duen azken saio militarra dela eta. Ildo horretan, Piongiangek nazioarteko ebazpenak bete egin behar dituela gogoratu du.
Ameriketako Estatu Batuek neurri gogorrak eskatu dituzte, eta Txinak eta Errusiak "zuhurtziaz" jokatzeko eskatu diote NBEren Segurtasun Kontseiluari.
Vassilli Nebenzia Errusiako enbaxadorearen esanetan, "une honetan ezinbestekoa da burua hotz izatea; tentsioa areagotu dezaketen ekintzak saihestu behar dira".
Errusiaren ustez, konponbidea ez da bide militarra erabilita etorriko, "konponbidea bide diplomatikoen bidez iritsiko da, eta horretarako Antonio Guterres Nazio Batuen Erakundeko idazkari nagusiaren bitartekaritza lana behar da".
Liu Jieyi Txinako enbaxadoreak, berriz, Pekinen egindako proposamena "seriotasunez" aztertzeko gonbita egin die herrialde guztiei. Txinaren proposamena onartuz gero, Piongiangek bere programa atomikoa bertan behera utzi beharko luke, eta Hego Koreak eta Ameriketako Estatu Batuek maniobra militarrak egiteari uko egin beharko liokete.
Albiste gehiago mundua
:eitb-banner?$eitb-banner$&fmt=webp-alpha&qlt=80)
Carlo Acutis mende honetako lehenengo santu izendatu du aita santuak
Leuzemiak jota hil zen 2006an, 15 urterekin. Acutis apirilaren 27an kanonizatu behar zuten, baina zeremonia bertan behera geratu zen Frantzisko aita santua hil zelako.
83 pertsona hil ditu Israelek Gazan erasoetan, eta beste bost, gosez
Israelgo Atzerri ministro Gideon Saarrek esan du gerra amaituko litzatekeela Hamasek bahituak entregatu eta armak utziko balitu. Hamasek esan du bahituak askatzeko prest dagoela, Israelek bere indar guztiak Zerrendatik erretiratzen baditu.
40. Open Sestao Basque Country xake txapelketan ez da parte-hartzaileen banderarik ikusiko, jokalari israeldarrak daudelako
Antolatzaileek "Israelek Gazan egindako genozidioa" gaitzetsi dute, eta Palestinako bandera jarriko dute Las Llanasen.
Lisboako funikularraren kablea eten egin zela frogatu dute lehen ikerketek
Kable hori funikularreko beste kabina bati lotuta zegoen, eta kontrapisu gisa erabiltzen zen.
Japoniako lehen ministroak dimisioa eman du, PLD alderdiak bere etorkizuna erabakitzeko hitzordua heldu aurretik
Alderdiak primarioen ezohiko aurrerapen baten inguruan eztabaidatu bezperan eman du dimisioa. Izan ere, hauteskundeetan emaitza kaxkarrak lortu ostean, pentsatzekoa da alderdiaren zein Gobernuaren buruzagitzatik kenduko zutela
Errusiaren eraso batek sutea eragin du Kieven, Gobernuaren eraikin batean, gerran lehen aldiz
Gutxienez bi pertsona hil eta 18 zauritu dira Errusiako Armadak Kieven egindako eraso masibo baten ondorioz. 800 drone eta dozena bat misil baino gehiago jaurti dituzte, eta horietako batzuek Ukrainako Gobernuaren eraikin bat jo dute.
Poliziak hainbat manifestari atxilotu ditu Londresen, Palestine Actionen aldeko protestan
Erresuma Batuko Poliziak hainbat manifestari atxilotu ditu larunbat honetan Parlamentuko plazan, Londresen, Palestine Action taldeari babesa adierazteko protesta batean. Uztailean erakunde terrorista izendatu zuten talde hori, hegazkin militar batzuei Palestinako banderak margotzeagatik kalteak egitea eta Elbit Systems Israelgo defentsa enpresaren instalazioak blokeatzea egotzita. 138 pertsona auzipetu dituzte ordutik talde horri laguntzea egotzita. Milaka pertsona bildu dira Parlamentu aurrean, 'Genozidioaren aurka nago, Palestine Actionen alde nago' leloa zeramaten kartelak eskuetan hartuta. Poliziaren aurkako oihuak ere entzun dira; "Ezin zarete ezkutatu, genozidioaren alde zaudete. Lotsa!", tartean.
Defentsa Departamentua Gerra Departamentu bihurtu du Trumpek
Pentagonoak 1947an erabili zuen izendapen hori azkenekoz, Bigarren Mundu Gerraren ondoren estrategia diplomatiko gisa Defentsa Departamentu bihurtu zuenean.
Israelek eraikin bat eraitsi du Gazan, ebakuazioa agindu ostean
Armadak altuera handiko bloke baten aurkako erasoa baieztatu du, hegoaldeko "eremu humanitario" batera ebakuatzeko agindua eman ondoren. Armadak esandakoaren arabera, Hamasek erabiltzen zuelako eraitsi du.
Bruselak Googleri jarritako isuna kritikatu du Trumpek, eta errepresaliekin mehatxatu du: "Bidegabea da!"
Europako Batzordeak isuna jarri dio Googleri publizitate-teknologiaren (adtech) sektorean abusuzko praktikak egitea leporatuta, gutxienez 2014tik, antza, bere zerbitzuei mesede egiteagatik, lehiakideen beste hornitzaile batzuen kaltetan.