Japoniatik gertu jausi den misila jaurti du berriro Ipar Koreak
Ipar Koreak Japonia iparraldean jausi den misil bat jaurti du ostegun honetan, bigarrena abuztutik, Seulgo eta Tokioko agintariek jakinarazi dutenez. Ez da kalterik izan.
"Ipar Koreak identifikatu gabeko misil bat bota du Piongiang ekialdetik", esan du Hego Koreako Estatu Nagusiak ohar batean. Seulen datuen arabera, misilak 3.700 kilometro egin ditu, 770 kilometroko altuera harrapatuta.
Euskal Herrian gauerdia zenean (Japonian, 07:00ak) jaurti omen du misila Piongiangek. Japoniako Hokkaido uharte gainetik igaro da, eta Ozeano Bareko uretan jausi.
NBEren Segurtasun Kontseiluak urgentziazko bilera deitu du gaurko. Ateak itxita egingo dute batzarra, 15:00etatik aurrera (19:00 GMT).
Japoniaren eta AEBren erantzuna
Shinzo Abe Japoniako lehen ministroak gogor salatu du Ipar Korearen "probokazioa". Horren hitzetan, bere herrialdeak "ez du inoiz onartuko munduko bakeari mehatxu egiten dioten probokazio arriskutsuak". NBEren Segurtasun Kontseiluak Piongiangen kontra hartutako neurriak gogorarazita esan duenez, "ez dugu onartuko bakearen alde NBEk emandako erantzun irmo eta bateratua zapaltzea".
AEBk ere, Ipar Korearen jaurtiketa gaitzetsi du. Rex Tillerson Estatu idazkariak Piongiangen kontrako "neurri gehiago" hartzeko eskatu dizkie "nazio guztiei".
Misil horren ibilbidea eta altuera kontuan hartuta, irismen ertaineko misila zen Ipar Koreak jaurtitakoa, baina Hego Koreak ez du baztertu kontinente arteko misila izatea.
Abuztu amaieran horren antzeko bete misil bat jaurti zuen Ipar Koreak.
Hego Koreak ere misilak jaurti ditu, erantzun gisa
Ipar Koreak berea jaurti eta minutu gutxira, Hego Koreako Armadak 'Hyunmoo-2' motako bi misil bota ditu, eta, Seulgo iturrien arabera, horietako batek "helburu bat" jo du, "zehaztasun osoz", gainera.
'Hyunmoo-II' motako misila, Hego Koreako Defentsa Ministerioak bidalitako argazki batean. EFE
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.