Milaka pertsona bildu dira Parisen, Macronen lan erreformaren aurka
Milaka pertsona bildu dira larunbat honetan Parisen, Emmanuel Macron Frantziako presidenteak onartu nahi duen lan erreformaren aurkako manifestazioan. Era berean, Frantziako Gobernuak gizarte politikaren arloan orain arte hartutako erabakien kontra protesta egin dute. Jean-Luc Melenchon Frantzia Intsumisoa alderdiko buruzagiak deituta egin dute manifestazioa.
Melenchon manifestazioaren buruan jarri da, pankartaren atzean, bere alderdiko beste diputatu batzuekin batera. Twitter bidez zabaldutako mezu batean, erresistentziaren alde egin du, eta "herritarrek dituzten eskubideen defentsan borrokan ari diren langileei" bere babesa adierazi die.
Frantziako Gobernuak gizarte politikaren arloan hartutako erabakien kontra egiteko deitu dute protesta arratsalde honetan. Azken asteotan mobilizazio ugari antolatu dituzte hainbat sindikatuk eta mugimendu sozialek Frantziako Estatuan. Halaber, Lanaren Konfederazio Orokorrak (CGT sindikatua) Macronen kontrako manifestazioak deitu zituen joan den irailaren 12an eta 21ean.
Gauzak horrela, Macronek ez duela lan merkatua malgutzea xede duen egitasmoarekin aurrera jarraitzeko bermerik salatu nahi dute manifestariek, nahiz eta Frantziako presidenteak hauteskunde kanpainan hartutako konpromiso bat izan. Ezkerreko boto-emaile askok Marine Le Pen hautagai ultraeskuindarra irabazi ez zezan eman zioten botoa Macroni.
Halaber, Frantziako exekutiboak hartutako beste erabaki batzuen aurka agertu dira, hala nola, etxeak erostera bideratutako laguntzen murrizketaren kontra edota Europar Batasunaren eta Kanadaren arteko merkataritza askeko itunaren (CETA) aurka.
Jendetza bildu da Parisen, lan merkatua malgutzeko egitasmoaren aurka. Argazkia: EFE
Frantzia Intsumisoko kideez gain, beste alderdi politiko batzuetako ordezkariek ere gaurko manifestazioan parte hartzeko asmoa zutela esan zuten. Alabaina, azkenean protestan parte hartu ez dutenen artean, Philippe Martínez Lanaren Konfederazio Orokorreko idazkari nagusia dago. Aurretik sindikatuek deitutako bi manifestazioen buruan egon zen bera.
Martxoaren 18an egindako mobilizazioan bildutako jendetza bera batzeko erronka du Melenchonek, Macronen Gobernuaren aurrean oposizioko hautagai nagusi gisa aurkeztu ahal izateko. Hauteskunde kanpainan egindako protesta hartan 100.000 lagun baino gehiago bildu zirela ziurtatu zuten antolatzaileek.
Lan merkatua malgutzea xede duen egitasmoa larunbat honetan bertan sartuko da indarrean, eta astelehenetik aurrera protestekin jarraitzea aurreikusita dago. Izan ere, kamioilarien sindikatu batzuek jarduera ekonomikoa blokeatzeko asmoa dute.
Zure interesekoa izan daiteke
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.