Estatu Islamikoa Sirian garaitzeko asmoa dutela berretsi dute Trumpek eta Putinek
Donald Trump Ameriketako Estatu Batuetako presidenteak eta Vladimir Putin Errusiako presidenteak berretsi dute, larunbat honetan, asmoa dutela "Estatu Islamikoa izeneko talde terrorista Sirian garaitzeko". Hala diote, biek sinatutako agiri batean.
APEC Asia-Pazifikoko Lankidetza Ekonomikoaren Foroan, bi agintariek elkarrizketa izan dute, eta adierazi dute gatazkak ez duela konponketa militarrik. Hala eman du jakitera Sputnik albiste-agentziak.
Kremlineko bozeramaile Dimitri Peskovek zehaztu duenez, agiria bi agintariak APECen zeudela aprobetxatuta idatzi dute, espezifikoki; Danang Vietnamgo hirian ari dira egiten goi-bilera.
Pozik, egindako ahaleginengatik
Agiriak adierazten duenez, Putinen eta Trumpen oniritzia dute AEBk eta Errusiak egindako ahalegin batzuk, alegia, militar estatubatuarren eta errusiarren arteko liskar arriskutsuak saihesteko egin dituzten ahalegin arrakastatsuak: “Horri esker, ISISen hildakoen kopuruak gora egin du azken hilabeteotan”.
Agintariek nabarmendu dutenez, "ahalegin horiekin jarraituko dugu ISISen behin betiko porrota gauzatu arte".
Presidenteek berretsi dute gatazkarako konponketa politikoa Genevako prozesuaren testuinguruan topatu behar dutela, "Nazio Batuen Segurtasun Kontseiluaren 2254 ebazpenarekin bat".
Azpimarratu dute ondorengo hauen alde daudela: Siriako burujabetza, independentzia, eta herrialde horretako lurralde-osotasuna. Halaber, deitu diete Siriako alde guztiei "Genevako prozesu politikoan parte hartzeko, eta haren arrakasta bermatzeko laguntza eman dezaketen ahalegin guztiak babesteko".
"Presidenteek gai honi ere heldu diote: beharrezkoa dela Siria giza sufrimenduak murriztea. NBEko herrialde guztiei egin diete deia, ondorengo hilabeteotan gizaldeko beharrak asetzeko", dio komuneko adierazpenak; Kremlineko web orrian dago argitaratuta.
Sergei Lavrov eta Rex Tillerson Errusiako eta AEBko Kanpo-arazoetarako ministroek akordioa adostu zuten, duela gutxi; oraingo adierazpena akordio horren ostean prestatu dute.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.