Nikolas Cruz Floridako institutuaren erasotzailea, fidantzarik gabe espetxera
Nikolas Cruz 19 urteko gaztea bermerik gabe espetxera bidali du gaur Floridako epaile batek. 17 pertsona tirokatu eta hil zituen atzo Parklandeko institutu batean. Bere abokatuaren ahotan, Cruz “guztiz damututa” dago.
Atxilotuari 17 hilketa delitu leporatu dizkiote. Broward konderriko epaitegi baten aurrera eraman dute, Floridako hegoaldean, laranjaz jantzita, eskuburdinak jarrita eta abokatuak lagunduta.
Marjory Stoneman Douglas eskolako irakasleen eta ikasleen aurka tiro egitera bultzatu zuten arrazoiak ezagutzeko lanean jarraitzen du Poliziak. Iragan ikasturtean institututik bota zuten, indarkeriazko jokabidea egotzita.
Inguruko ospitaletara eraman zituzten 15 zaurituetatik hiru oso larri daude. Gainerakoak egonkor dira edo sendagiria jaso dute dagoeneko.
Nikolas Cruzek egindako sarraskiak armen legediari buruzko eztabaida piztu du berriro. Cruzek autismoa zuela jakitera eman du Sun Sentinel egunkariak.
Halako tragedia bat berriro ez errepikatzeko datorren astean Estatuko biltzarkideekin bilduko dela ziurtatu du gaur Rick Scott Floridako gobernadoreak.
Zurien nagusitasuna
Floridako Errepublika (ROF) zurien nagusitasuna aldarrikatzen duen talde ezagunarekin loturak ditu Cruzek, Difamazioaren Aurkako Ligak gaur jakitera eman duenez.
Nazioarteko erakunde juduak ziurtatu duenez, Jordan Jereb ROFeko buruzagietako batek lotura hori baieztatu du. Antisemitismoaren aurka borroka egiten duen erakundeak azaldu duenez, Cruzek taldearen entrenamenduetan parte hartu izan duela esan du Jerebek.
Zurien eskubide zibilak defendatzen dituen erakunde gisa definitzen da ROF bere webgunean. Milizia bezala funtzionatzen du eta kideak Florida osoan sakabanaturik ditu.
FBI duela bost hilabete ohartarazi zuten
“Eskolako tirogile profesionala” bihurtu nahi zuela esan zuen Nikolas Cruzek YouTuben. Bideo horren berri duela bost hilabete izan zuen FBIk.
Rob Lasky FBIko agenteak kazetarien aurrean onartu duenez, Cruzen gorroto mezuen inguruko salaketa bat ikertu zuten iragan irailean. Bideoa Mississippin argitaratu zuten.
Hala ere, une hartan ezin izan zuten erabiltzailearen nortasuna identifikatu, nahiz eta izena eman, Laskyk erantsi duenez.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.