Floridako sarraskian hildako biktimak identifikatu dituzte
Broward Konderriko Udaltzainen Bulegoak Nikolas Cruzek aurreko asteazkenean Floridako institutu batean egindako sarraskiko 17 hildakoak identifikatu ditu. Cruz Uber taxi batean heldu zen zentrora, maleta batean errifle automatiko bat zeramala.
Scott Israel konderriko sheriffak emandako biktimen zerrendan, eskolako hiru langileren izenak ageri dira: Aaron Feis, futbol amerikarraren taldeko entrenatzailea; Chris Hixon atletismo entrenatzailea eta Scott Beigel geografia irakaslea.
Hauek dira gainerako hildakoak, denak ikasleak:
Joaquin Oliver
Peter Wang
Nicholas Dworet
Luke Hoyer
Alaina Petty
Jamie Guttenberg
Alex Schachter
Martin Duque
Alyssa Alhadaff
Helena Ramsey
Cara Loughran
Meadow Pollack
Gina Montalto
Carmen Marie Schentrup
Cruz espetxera bidali zuten atzo goizean, 17 pertsona hiltzea leporatuta, eta sarraskiaren egilea izatea aitortu zion Poliziari.
Gertatutakoaren kontakizuna
Isralek emandako azalpenen arabera, Cruz (19 urte) emakume batek gidatzen zuen Uber taxi batean heldu zen institutura 02:19ean (20:19, gurean), eta bigarren hezkuntzako zentroko atarira zuzendu zen, AR-15 erriflea maleta beltz baten barruan zeramala.
Hortik aurrera, gazteak (ikasle ohia zen) bereizi gabe egin zuen tiro bere ikaskideen aurka korridore eta gelatan, eraikineko hiru solairuetan. Ondoren, arma bertan utzi eta oinez atera zen, beste ikasleekin batera.
Horrezkero, Walmart denda batera joan zen, freskagarri bat erosi zuen Subway lokal batean, eta McDonald's jatetxe batera joan zen.
Israeleren esanetan, arazorik gabe atxilotu zuen Cruz Coral Springseko Poliziak, aipatutako jatetxearen inguruetan.
Sheriffak azaldu duenez, sarraskian erabilitako arma modu legalean erosi zuten Coral Springseko denda batean, Floridako hegoaldean, eta momentuz ezin izan dute baieztatu Cruz arraza nagusitasuna defendatzen duen talde bateko kide ote den, zenbait hedabidek argitaratu dutenez.
Ikerketaren arabera, gaztea aurreko urtean kaleratu zuten eskolatik, bikotekide ohiaren orduko bikotekidearekin borrokatu eta gero. Beste egunean, institutura heldu zenean, ke-granadak bota zituen, sute alarmak aktibatzeko eta, bere ikaskide ohiak geletatik irten zirenean, tiro egin zuen haien kontra.
Atentatuan zauritutako hiru gazte egoera kritikoan daude Broward Health Medical Center eta Broward Health North ospitaleetan.
17 pertsona hil eta 15 zauritu ziren Parklandeko sarraskian eta urtea hasi denetik AEBko ikasketa zentroetan izan den 18. gertaera izan da.
CONTENIDO NO ENCONTRADO
Zure interesekoa izan daiteke
G7ak eta EBk Ormuzko itsasartea irekitzeko eta inguruko herrialdeak pairatzen ari diren “ondorioak” arintzeko deia egin dute
Mendebaldeko herrialde boteretsuenen Atzerri ministroek, baita AEBkoak ere, “populazio zibilaren eta azpiegituraren aurkako erasoak berehala eteteko” eskatu dute.
Trumpek apirilaren 6ra arte luzatu du Ormuzko itsasartea berriro irekitzeko ultimatuma
AEBk Ekialde Hurbilera 10.000 soldadu gehiago bidaltzea aztertzen ari da, Teheranen gaineko presioari eusten dion bitartean eta arazoak luze joko duela ikusita.
Iranek AEBren proposamenari erantzun dio eta bake akordio baterako hainbat baldintza jarri ditu mahai gainean
Teheranek erasoa "ez errepikatzeko baldintzak" eskatzen ditu, eta gatazkaren amaierak "fronte guztiei" eragitea, Libano eta Irak barne.
Israelek iragarri du Alireza Tangsiri Irango Guardia Iraultzailearen Armadako komandantea hil egin duela
Israel Katz Israelgo Defentsa ministroaren arabera, Ormuzko itsasartearen blokeoaren erantzule nagusia zen. Irango agintariek ez dute oraingoz heriotza baieztatu.
Iranek ez du onartu AEBk egindako bake proposamena, "gehiegizkoa" dela iritzita
Irango agintariek behin eta berriz esana dute Ameriketako Estatu Batuek eta Israelek Iranen aurkako "erasoa eta hilketak" gelditu egin behar dituztela, baita Teheranen aurkako erasoa ez errepikatzeko mekanismo zehatzak garatu ere, besteak beste.
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.