111 dira jada Habanako hegazkin-istripuan hildakoak
111 dira jada ostiralean Habanan izandako hegazkin-istripuan hildakoak. Holguin eskualdea jomuga zuen hegaldian 113 pertsona zihoazen. Hildakoetako 99 kubatarrak dira eta beste hamaika hainbat herrialdetakoak ziren.
Istriputik bizirik atera zen hiru bidaiarietako bat hil da azken orduotan. 23 urteko emakume bat da, eta Habanako General Calixto ospitalean hil da, hegazkin istripuan zauri larriak egin ondoren.
Ospitalean, 19 eta 39 urteko bi emakume jarraitzen dute, larri zaurituta; 39 urtekoak erredura larriak ditu gorputzeko % 41ean.
Aeronautikako hainbat profesional hegazkin horren egoeraz kexatu ziren istripua izan aurretik.
Hegazkina Damojh edo Global Air bezala ezaguna den konpainia mexikarrarena da, baina Cubana de Aviación aire-konpainiak orain hilabete batzuk alokatu zuen.
Damojhek agiri batean jakinarazi duenez, Mexikoko zein Kubako enbaxadoreekin bildu da hildakoak identifikatzeko lanetan laguntzeko, eta, besteak beste, hildakoen gorpuak senideei bidali eta hileta-zerbitzuak ordaintzen lagunduko du.
Identifikazio lanekin jarraitzeaz gain, hegaldiaren eta hegazkinaren datuak jaso zituen bigarren kutxa beltzaren bila dabiltza, lehen kutxa beltza (kabinako soinuak jaso zituenak) istripua izan zen egunean bertan aurkitu baitzuten.
DMJ-972 hegaldia Habanako aireportutik aireratu, eta kilometro batera erori zen, laborantza eremu batean.
Mexikoko agintariek bertan behera utzi dute aldi baterako Global Air aire-konpainiaren operazioak, gertatutakoa argitu arte.
Habanan, berriz, biktimen gorpuak identifikatzen jarraitzen dute, eta hildakoen senide eta lagunei medikuen eta psikologoen laguntza ematen.
Orain arte, istripuan hildako 40 pertsona identifikatu dituzte; denak, kubatarrak. Gorpuak identifikatzeko lanek, baina, hilabete baino gehiago iraungo dute, aurreikuspenen arabera.
Bestalde, istripuan hildako atzerriko lagunak oraindik ez dituzte identifikatu; horien artean, zazpi mexikar, bi argentinar eta Saharako bi pertsona (bietako batek espainiar pasaportea zuen).
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.