Contek Italiako lehen ministro karguaren zina egin du, M5Sren eta Ligaren babesarekin
Italiako lehen ministro karguaren zina egin du gaur Giuseppe Conte legelariak Sergio Mattarella estatuburuaren aurrean, 5 Izar Mugimenduaren eta Iparraldeko Ligaren babesarekin.
Ondoren presidenteordeek zina egin dute, Luigi di Maio M5Sko buruzagiak (Ekonomia eta Lan ministroa) eta Ligako Matteo Salvinik (Barne ministroa). Segituan, gainerako 18 ministroen txanda izan da.
“Errepublikarekin fidel izango naiz, Konstituzioa eta legeak leial beteko ditut, eta nazioaren interesean jardungo dudala hitz ematen dut”, adierazi dute Mattarellaren aurrean. Errepublikako presidenteak izendapenak sinatu ditu, eta Gobernuko kideei bostekoa eman die.
Estatuburutzaren egoitzako Festa Aretoan egin dute zina, Quirinale jauregian. Ministro berriek eta Mattarella presidenteak elkarrekin argazkia atera dute, ekitaldia bukatzeko.
M5Sko gainerako ministroak Giulia Grillo (Osasuna), Danilo Toninelli (Azpiegiturak eta Garraioa), Alberto Bonisoli (Kultura), Elisabetta Trenta (Defentsa), Alfonso Bonafede (Justizia), Sergio Costa (Ingurumena), Barbara Lezzi (Hegoalderako Gaiak) eta Riccardo Fraccaro (Parlamentu Harremanak) dira.
Iparraldeko Ligakoak, ostera, Giulia Bongiorno (Administrazio Publikoa), Erika Stefani (Eskualde Gaiak), Lorenzo Fontana (Desgaitu eta Familien Ministerio berria), Gianmarco Centinaio (Nekazaritza), Marco Busetti (Hezkuntza) eta Giancarlo Giorgetti (presidentetza idazkariordea) dira.
Azkenik, M5Sk eta Ligak hiru teknikari aukeratu dituzte: Giovanni Tria (Ekonomia), Enzo Moavero Milanesi (Atzerri) eta Paolo Savona (Europar Batasuneko Gaiak).
Martxoaren 4an hauteskundeak egin eta ia hiru hilabete geroago, karguaren zina egin du Exekutibo berriak. Negoziazioan oztopoak gainditu behar izan dituzte, ministerioen banaketa eta lehen ministroaren izendapena esaterako. Di Maiok eta Salvinik Conteren figura adostu zuten.
Zure interesekoa izan daiteke
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.