Europak immigrazioari nola aurre egin jakin gabe jarraitzen du
Badirudi Pedro Sanchezen Gobernu berria ez dagoela prest gero eta handiagoa eta popularragoa den talde bateko kide izateko. Italiak, Hungariak, Austriak eta, duela ordu batzuetatik, Alemaniak ere osatzen duten talde honek mugak ixteko eta gero eta handiagoa den immigrazioaren kontrola gogortzearen alde azaldu dira.
Alemaniako kantziler eta Batasun Demokrata Kristaua (CDU) alderdiko presidente Angela Merkelek eta Alemaniako Gobernuko Barne ministro eta Batasun Sozialkristaua (CSU) alderdiko buru Horst Seehoferrek akordioa itxi dute azkenean. Horrela, amaitutzat eman dituzte bi alderdien artean izandako harreman historikoa hausteko zorian jarri dituzten negoziazioak. Itunak Salvani (Italia), Orbán (Hungaria) eta Kurz (Austria) liderrek aurretik esandakoa jaso du: Europako estatu batean babesa eskatu ondoren herrialde horietara iristen diren atzerritarrak aurreko estatura bidaliko dituzte bueltan, eta horrek mugetako kontrolak indartzea ekarriko du.
Europako Batzordeak Espainian migratzaileak hartzeko eta kanporatzeko gaitasuna hobetzeko 25,6 milioi euro bideratuko dituela iragarri eta ordu batzuetara iritsi da akordio hori, Pedro Sanchezek Europako kideei migrazio fluxuen gorakadari aurre egiteko laguntza eskatu ondoren.
Kontua da Aquarius ontziaren krisia izan zenetik Espainiako portuak komodin bihurtu direla Italiak eta Maltak lehorreratzeko baimena ukatu dien itsasontzientzat. Bruselak badaki hori, eta horregatik erabaki du laguntza ekonomikoa handitzea lan horiek bideratzeko.
Hala ere, estatu kideek duela egun gutxi batzuk lortutako akordioa (gutxienekoak jaso dituzte bertan) ez da nahikoa, itxura batean, eta oraingoz ez ditu konpondu Europak gero eta migrazio fluxu handiagoak kudeatzeko dituen premia politikoak eta praktikoak.
(*) Imanol Butron Alonso, Zientzia Politikoetan graduatua Euskal Herriko Unibertsitatean, EiTB-EHU Multimedia Komunikazio Masterreko ikaslea da eta eitb.eus-en dabil praktikak egiten.
Zure interesekoa izan daiteke
Ebolagatik hildakoak 100 baino gehiago dira Afrikako Batasunaren arabera, eta larrialdi kontinentala ezarri du
Afrikako Batasuneko osasun publikoko agentziak ohartarazi duenez, ebola agerraldia Kongoko Errepublika Demokratikoko ingurune konplexu batean atzeman dute: mugikortasun handiko ingurua da eta osasun sistema, berriz, ahula.
Osasunaren Mundu Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Egoera oso bestelakoa da duela hamar urtekoarekin alderatuta: mundua zatituago dago, zorpetuago eta herritarrak babesteko gaitasun txikiagoarekin. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.