110 pertsona hil dira dagoeneko Japonian, uholdeen ondorioz
Dagoeneko 110 pertsona hil dira Japonian azken egunotan izandako eurite eta uholdeen ondorioz; 79 pertsona desagertuta daude, gainera. 1983tik uhartean izandako uholderik larrienak dira honakoak, eta orduko hartan 117 pertsona hil ziren.
Halaber, alerta berezia ezarri dute Kursahiki herrian (herrialdearen mendebaldean), denboraleak kalte gehien eragin dituen eremuan, hain zuzen. 1.500 baino gehiago erabat inkomunikatuta daude, Kyodo albiste-agentzia japoniarraren esanetan.
Kurashikiko egoera bereziki larria da, ospitaleratuta dauden 100 bat pertsona kanpoko laguntzarik gabe geratu direlako. Hainbat kamioi eta ibilgailu ari dira zeregin horretan, uraren gorakadari aurre eginez. Japoniako Meteorologia Agentziaren arabera, datozen orduotan ere euria espero da kaltetutako hainbat tokitan.
Euriteak ez dira oso ohikoak uztailean Japonian, baina dozenaka pertsona geratu dira etxean harrapatuta. Uholdeetatik ihes egiteko asmoz, etxeko teilatuetan igota zegoen jendea erakutsi dute Japoniako hedabideek. Besteak beste, etxe barruan harrapatuta geratu zen 9 urteko ume bat desagertuta dago.
Japoniako Gobernuak larrialdiak kudeatzeko zentro bat ipini du martxan lehen ministroaren bulegoan. Era berean, 54.000 polizia, soldatu eta suhiltzaile ari dira egoera konpontzeko lanean.
Uholdeak Japonian. Argazkia: EFE
Hiroshimako probintzian izan dira kalte gehien. Gutxienez 22 pertsona hil eta 23 desagertu dira, NHK katearen arabera. Ehime eremuan, 18 hildako eta 9 desagertu daude. Bestalde, Okayaman, Hyogon, Kyoton, Shigan eta Fukuokan ere hainbat pertsona hil dira.
Japoniako Meteorologia Agentziak 4,7 milioi pertsonari baino gehiagori agindu die haien etxeetatik ateratzea, eta Japoniako uharte handienaren (Honshu) mendebaldeko lau prefekturatan ezarritako abisu meteorologikoak mantendu ditu.
Arazoak industrian
Eguraldi txarra industriari ere egiten ari zaio kalte. Esate baterako, zenbait auto-ekoizlek produkzioa eten behar izan dute euriagatik. Uholdeek hornidura-kateak ere eten dituztenez, langileen segurtasuna arriskuan dago, Kyodo agentziaren arabera.
Mitsubishi Motors Corp enpresak, bere aldetik, lantegi bateko operazioak gelditu ditu, ez dituelako behar ziren piezak jaso. Mazdak Hiroshiman duen egoitza itxi behar izan du astelehen honetan, eta joan den astetik hainbat lantegi zarratuta ditu.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.