David Davis 'brexit'erako ministro britainiarrak dimisioa eman du
David Davis brexit-erako ministro britainiarrak dimisioa eman du, Theresa May Erresuma Batuko lehen ministroarekin dituen desadostasunak tarteko.
Ostiralean adostu zuen Erresuma Batuko Gobernuak Europar Batasuna (EB) uzteko prozesuan izango duen jarrera, 'jarrera negoziatzaile kolektiboa' delakoa, alegia. Erabakia hartu eta bi egunera eman du dimisioa Davisek, eta kolpea da Theresa May lehen ministroarentzat.
Davisen uko egitea alderdi kontserbadorearen baitan brexit dela eta dagoen zatiketaren erakusle ere bada. Gobernu britainiarreko sektore batek brexit gogorra babesten du, eta besteak, May bera tarteko, ez du dibortzio latzik nahi (ondasunen merkatu komun bat sortzea proposatzen dute, besteak beste).
Dimisioa emateko gutunean Davisek azaldu duenez, ez du babesten ostiralean hartutako erabakia. Horren hitzetan, EB eta Erresuma Batuaren artean sortu beharreko ondasunen merkatu komun horrek lege eta muga harmonizazioa beharrezko egingo luke, eta horrek "ezerezean utziko luke Parlamentu britaniarraren kontrola".
Hori horrela, "gure ekonomiaren kontrolaren zati handi bat EBren esku geratuko litzateke, eta ez genuke gure legeen kontrola berreskuratuko", argudiatu du Davisek.
Ministroak ez ezik, Steve Baker brexiterako Estatu idazkariak ere eman du dimisioa. Mayk datozen orduetan izendatuko ditu bi horien ordezkoak.
Hedabide britainiarren esanetan, Michael Gove Ingurumen ministroa izan liteke Davisen ordezkoa. Brexit gogorraren aldekoa da, baina ostiralean Mayren erabakia babestu zuen.
Zure interesekoa izan daiteke
Trumpen mehatxu berrien ostean, Iranek negoziazioak eten dituela AEBrekin iragarri du, baina Qatarrek dio aurrera jarraitzen dutela
JD Vance AEBko presidenteordea ari da bilera hauetan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragarri dezake bihar
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.