44 pertsona hil dira ebolagatik Kongoko Errepublika Demokratikoan
Ebola Kongoko Errepublika Demokratikoan zabaltzen ari da. Orain arte, herrialdeko bi probintziatan baino ez da agertu. Momentuz, 51 kasu eta 44 hildako daude, Kongoko Osasun Ministerioak argitaratu duen azken balantzearen arabera.
Kongoko agintariek hilaren 1ean jakinarazi zuten Mangina herrian (Iparraldeko Kivu) ebolaren agerraldi berria izan zela. Orain, Ituri probintziara zabaldu da. Abuztuaren 8an jarri zuten abian ebolaren aurka txertatzeko kanpaina, hedatzea gelditzeko asmoz.
Mugarik Gabeko Medikuak elkarteak birus hau duten pertsonak artatzeko zentro bat jarri du Mangina udalerrian. Guztira 37 pertsona daude ospitalizatuta bertan, eta birusarekin kutsatuta daude horietako 31.
"Pazienteen artean, zonaldeko osasun zerbitzuko lankideak daude", jakinarazi du ohar baten bidez elkarte horretako larrialdietarako programen koordinatzailea den Gwenola Serouxek. "Zerbitzuak eman dituzten lehenak izan dira, eta batzuk kutsatu egin dira", azaldu du koordinatzaileak.
Bestalde, osasun erakundea Iturin ari da lanean. Osasun-etxeak bisitatu ditu eta isolamenduko gelak jarri dituzte behar ziren zentroetan. Zaintzak ere egiten dituzte, eta bertako osasun langileekin lan egiten dute ebolaren egoeraz hitz egiteko.
Halaber, gatazka dago Iparraldeko Kivun. Horregatik, Munduko Osasun Erakundeko zuzendariak, Tedros Adhenom Ghebreyesusek, borroka eteteko eskatu die liskarrean murgilduta dauden bi taldeei, birusa guztientzat baita arriskutsua. Gainera, nazioarteari deia egin dio "heldu ezin den lekuetara" iristeko modua izan dezaten.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.