Talibanek Afganistanen bahitutako 100 bat bidaiari askatu dituzte
Talibanek aske utzi dituzte jada gaur goizean Afganistan iparraldean bahitu dituzten ehun bat bidaiari, baina 21 lagun atxikita daude oraindik, EFE agentziak iturri ofizialak aipatuta zabaldu duenez.
Bahiketa Kunduz probintziako errepide batean izan da. Bidaiariak hiru autobusetan zihoazen, talibanek ibilgailuak geldiarazi dituzte eta barruan zihoazen lagun guztiak bahituta eraman dituzte.
Ordu batzuk geroago, ehun inguru askatu egin dituzte, baina 21 atxikita daude oraindik, Inamullah Rahmani Poliziaren bozeramaileak jakinarazi duenez.
"21 lagun horiek Afganistango segurtasun indarretako kideak direla uste dute talibanek; horregatik eraman dituzte atxikita", azaldu du. Polizia guztiak erreskatatzeko lanean ari dela erantsi du. Libre geratu direnak euren herrietara itzuli dira.
Bahituak Kabul hiriburutik ipar-ekialdeko Takhar eta Badakhshan probintzietara zihoazen, bihar hasiko den Aid al-Adha edo Sakrifizioaren Jaialdia ospatzera.
Rahmaniren esanetan, talibanek kontrol postu bat jarri dute inguruan, Aid al-Adha ospatzeko jaioterrietara zihoazen soldaduak identifikatzeko.
2014 eta 2016 artean, talibanek eta beste talde armatu batzuek gehiagotan bahitu dituzte bidaiariak, herrialdeko hainbat tokitan, eta kasu horietako batzuetan, bahituak hil egin zituzten. Azkenaldian bahiketa gutxiago egon dira, baina Afganistango probintzia gatazkatsuetako errepideak oraindik ez dira seguruak.
2016ko ekainean, talibanek 12 pertsona (gehienak zibilak) hil zituzten hegoaldean, eta 47 bahitu zituzten iparraldean.
Igandean, Ashraf Gani presidenteak hiru hilabeteko su-etena iragarri zuen talibanekin, Aid al-Adha festa ospatu ahal izateko, baina jihadistek ere onartzea jarri zuen baldintza gisa.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.