Milaka pertsona ebakuatu dituzte Filipinetan Mangkhut tifoia heltzear dagoelako
Filipinetako agintariek herrialdeko eskualde gehiago husteko agindua eman dute ostiral honetan, eta 5,2 milioi pertsonari Mangkhut tifoi bortitzaren ibilbidean daudela ohartarazi diete. Era berean, etxean babes hartzeko eskatu diete. Bitartean, herrialdea euri-jasei aurre egiteko prestatzen ari da, ekaitzak azpiegituretan eta uztetan kalteak eragitea espero baita.
Mangkhut tifoi bortitza Filipinetako iparraldera larunbateko lehen orduan heltzea espero da, 205 kilometro orduko haizearekin, eta 255 kilometro arteko ufadekin. Mikronesia aste honetan astindu du ekaitzak.
9.000 pertsona baino gehiago aldi baterako aterpetxeetara eraman dituzte. Filipinetan tifoiari 'Ompong' izena jarri diote. Ekaitza Cagayan eta Isabela probintzietara helduko da larunbat egunsentian, biak arroza eta arto ekoizleak.
Tifoiaren eraginez kostaldeko herrietan urak sei metro gora egin dezakeela ohartarazi dute meteorologoek. Horrela gauzak, erreskate talde gehiago prestatzen ari dira, eta agintariek milaka pertsona gehiago ebakuatzeko aukera ez dute baztertzen.
Ekaitzak abiadura handiagoa hartu du ostiral honetan, eta eguerdian Filipinetako ekialdetik 450 bat kilometrora zegoen. Manila hiriburua eta iparraldeko zein erdialdeko dozenaka probintzia alerta egoeran jarri dituzte.
Eskolak bertan behera geratu dira eta Gobernuaren bulegoak lehenago itxi dituzte 600 toki baino gehiagotan. Bitartean, medikuak, soldaduak eta larrialdi zerbitzuak prest daude.
Kostazainen arabera, 5.000 bat bidaiari zenbait portutan geratu dira tifoiaren ondorioz. Ekaitzak Txina eta Vietnameko hegoaldera abiatuko da ondoren.
Haiyan tifoiaren oroitzapenarekin, buruzagiak neurri gehiago hartzen ari dira oraingoan. Tifoi hark artxipelagoko erdialdea suntsitu zuen 2013an, eta 6.300 hildako utzi zituen.
Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.