Eraso suizida batek 50 hildako eta 72 zauritu utzi ditu Kabulen
Mahoma profetaren jaiotza ospatzen ari ziren akademiko erlijiosoen aurkako eraso suizida batek gutxienez 50 pertsona hil eta 72 zauritu ditu Kabulgo (Afganistan) ezkontza areto batean.
Sarraskia matxino batek eragin du. Erasotzailea immolatu egin da ezkontza areto batean, akademiko erlijiosoak eta ulemak Korana irakurtzen ari ziren bitartean, Basir Mujahid Poliziaren bozeramaileak azaldu duenez.
Lokaleko jabeak Poliziarekin segurtasuna koordinatu ez izana deitoratu du bozeramaileak, terrorista aretoan erraz sartu baita.
Biktimak “gizonak eta zibilak” dira, Wahidullah Majroh Osasun Publikoko Ministerioaren bozeramaileak zehaztu duenez. Toki publikoak, jatetxeak eta aisialdirako beste zentroak jendez lepo zeuden gaur, Mahomaren jaiotza ospatzeko.
Ashraf Ghani Afganistango presidenteak agiri baten bidez gaitzetsi du “Islamaren etsai terroristek” egindako atentatua. Horren ahotan, “krimen barkaezina” da.
Agiri baten bidez, Zabihullah Mujahid talibanen bozeramaileak ukatu egin du talde matxinoak eraso horrekin zerikusirik izatea. “Zibilen eta bilera erlijiosoen kontrako erasoak irmo gaitzetsi” ditu Emirerri Islamikoak.
Hainbat atentatu gertatu dira aurten Kabulen. Azkena iragan astean jazo zen. Hazara etniako ehunka musulman xiita elkarretaratzea egiten ari zirenean egin zuten, eta gutxienez hiru pertsona hil eta zortzi zauritu ziren eraso horretan.
Hala ere, erasorik larriena urtarrilean izan zen. Talibanek lehergaiz betetako anbulantzia bat zartarazi zuten Barne Ministerioaren egoitza zaharretik gertu. Atentatu horretan, 100 pertsona baino gehiago hil ziren.
Iragan astean talibanen eta Ameriketako Estatu Batuen ordezkariak bildu ziren Qatarren, bake-akordio bat negoziatzen saiatzeko. Afganistango gatazkak 17 urte bete ditu dagoeneko.
Zure interesekoa izan daiteke
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragarri dezake bihar
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.