Estatu Batuen eta Europaren arteko zatiketa areagotu egin da
Iranekiko jarrera, klima aldaketa, energia politika, defentsa gastuak, eta merkataritza harremanak direla eta Estatu Batuak eta Europa elkarrengandik urrunduz doaz. Urruntze horretan azkeneko urratsa Washingtongo gobernuak egin du. Europar Batasunetik datozen autoen inportazioek segurtasun nazionala arriskuan jartzen duela esan du.
Mehatxu horri aurre egiteko Europako autoei % 25eko zerga jarri nahi die. Merkel kantzilerrak gogoratu duenez, enpresa alemaniar askok Estatu Batuetan egiten dituzte beren automobilak. BMW konpainiak Hego Karolinan egiten ditu. Beribil horiek Estatu Batuetako segurtasuna arriskuan jartzen dutela usteak "beldurtzen" gaituela esan du Merkelek. Donald Trump boterera iritsi zenetik, 2017tik, harremanak okertuz joan dira. Etorkizun laburrean ez dirudi hobetuko direnik.
Municheko 55. Segurtasun Konferentzian zatiketa argiagoa izan da
Asteburu honetan Municheko Segurtasun Konferentzian inoiz baino ageriago izan da Europaren eta Estatu Batuen arteko urruntzea.
Mike Pence Estatu Batuetako presidenteordeak Munichera Trumpen mezua eraman ez ezik, behin eta berriz laudorioak zuzendu dizkio eta "askatasunaren txapelduna" dela esan du.
Merkel kantzilerraren erantzuna ez da mugatu automobilen auzira. Adostasunik ez dagoen beste arlo batzuk ere aipatu ditu; Washingtonek Errusiarekin arma nuklearren ituna alde batera utzi izana "berri txarra" dela ere esan du.
Iranekin programa nuklearraren arloko hitzarmena defendatzen dute Merkelek, Macronek eta Theresa Mayk nahiz eta Estatu Batuek berriz mehatxu egin hitzarmena uzteko.
Estatu Batuek Sirian atxilotutako 800 jihadisten geroa ere oztopo berri bat bezala azaldu da. Washingtonek jatorri europarra duten jihadistak beren kartzeletara eramateko eskatu die europarrei, eta aske utziko dituenaren mehatxu egin die. Baina Alemaniak, Danimarkak eta Britainia Handiak ez dute horien kargu egin nahi.
Washington eta Europaren arteko zatiketa etorkizunean ere areagotuz joango dela uste da AEBn 2020an izango diren hauteskundeak gerturatzen doazen neurrian.
Zure interesekoa izan daiteke
Kubak eta AEBk elkarrizketak abiatu dituzte, Trumpen mehatxuen ondoren
Aurreneko kontaktuen helburua izan da arazoak "identifikatzea", horientzako "konponbideak aurkitzea" eta "bi herrialdeen onurarako ekintzak zehaztea".
AEBk Errusiako petrolioaren gaineko zigorrak leuntzea kritikatu dute Europako buruzagiek
Volodimir Zelenski Ukrainako presidenteak ohartarazi du zigor horiek leuntzeak Moskuren jarrera indartzen duela, eta 10.000 milioi dolar gehiago ematen dizkiola Ukrainaren aurkako gerrarekin jarraitzeko.
NASAk apirilaren 1ean abiatuko du Artemis II misioa, 50 urten Ilargira egingo duten lehen hegaldi tripulatua
AEBko espazio agentziaren Artemis II misioa martxoan zen abiatzekoa, baina atzeratu egin zuten.
Prezioen igoerari eutsi ahal izateko Errusiako petrolioa erosteko aldi baterako baimena eman du AEBk
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela aurretik Iranek gidatzen duen "zabor zoroari" aurre egiteko.
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.
AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.