Gutxienez hiru pertsona hil dituzte eta bederatzi zauritu Utrechteko tiroketan
Tiroketa bat izan da gaur goizean, 10:45 inguruan, Herbehereetako Utrecht hirian, eta gutxienez hiru pertsona bat hil dituzte eta bederatzi zauritu, Jan van Zanen bertako alkateak baieztatu duenez.
Ustezko erasotzailea Gökmen Tanis 37 urteko turkiarra izan daitekeela jakinarazi dute bertako agintariek. Haren argazki bat zabaldu dute, tranbiako segurtasun kameretatik hartutako irudi bat.
NOS hedabidearen arabera, ustezko erasotzaileak duela bi aste deklaratu zuen epailearen aurrean, bortxaketa kasu batekin zerikusia zuelakoan.
Lekukoen arabera, gizonezko bat tiroka hasi da kale erdian, Urriaren 24a plazan dagoen tranbia-geltokitik gertu, oinezkoen aurka, eta ondoren ihes egin du. Harrezkero, Polizia "erasotzaileen" bila dabil. Dirudienez, ihes egin dute guztiek, horietako batek Renault Clio batean. Gainera, Kanaleneiland ingurua miatzen dabiltza, ustez autoan alde egin duen erasotzailea bertan ezkutatuta egon litekeelakoan.
Eraso terrorista bat izan daitekeela esan du Herbehereetako Poliziak:
The police is investigating the shooting at the #24oktoberplein in Utrecht this morning. An possible terrorist motif is part of the investigation.
— Politie Utrecht (@PolitieUtrecht) 18 de marzo de 2019
Argazkia: EFE.
Tiroketa izan den gunea itxi egin du Poliziak; zaurituetako batzuk erietxera eraman dituzte eta beste batzuk erasoa izan den lekuan bertan artatu dituzte.
Mark Rutte Herbehereetako lehen ministroak bertan behera utzi ditu gaurko zituen hitzorduak, eta onartu du "egoera oso kezkagarria" dela. "Terrorismo kasu baten aurrean baldin bagaude, erantzuna bakarra da: gure Zuzenbide Estatua eta demokrazia indarkeria baino gogorragoak dira", esan du Ruttek prentsaren aurrean egin duen agerraldian.
Alderdi politiko guztiek bertan behera utzi dituzte egunotarako deitutako ekitaldiak. Etzi, asteazkena, udal hauteskundeak daude deituta Herbehereetan.
Utrechteko Unibertsitate Ospitaleak zaurituak artatzeko gune berezia zabaldu du.
Alerta maila gora
Herbehereetako Gobernuak krisi egoeretarako batzordea deitu du eguerdian, egoera aztertu eta erabakiak hartzeko. Oraingoz, hiriburuko ikastetxe guztietako sarrera-irteerak itxita edukitzeko agindua eman dute. Hiriko meskita nagusiak jendez husteko ere agindu dute.
Terrorismoaren kontrako alerta maila gorena ezarri dute Utrecht eskualde osoan.
Terrorismoaren Aurkako Herbehereetako Zerbitzuaren arabera, hiriko hainbat lekutan izan dira tiroketak, larriena bat izan bada ere.
Ikerketa
Lehen ikerketen arabera, Renault Clio markako auto batean egin du ihes erasotzaileak.
Bestalde, iturri ofizialen arabera, Kanaleneiland auzoan etxebizitza bat zaintzen ari dira, erasotzailea bertan ezkutatua egon daitekeelakoan.
Utrechteko Udalak etxetik edota lantokitik ez irteteko deia egin die bizilagunei, beste eraso bat izateko aukera ez baitute baztertzen.
Doluminak
Iñigo Urkullu lehendakariak Utrechteko erasoa salatu du eta bere doluminak helarazi dizkie Herbehereei eta bertako herritar guztiei. "Atentatu terrorista hau bizitzaren eta duintasunaren aurkako atentatu bidegabe bat da. Mina besterik ez du eragiten. Euskaditik elkartasuna adierazi diogu Herbeheretako herriari eta bat egin atsekabeko une latz hauetan", esan du.
Atentatu terrorista hau bizitzaren eta duintasunaren aurkako atentatu bidegabe bat da. Mina besterik ez du eragiten. Euskaditik elkartasuna adierazi diogu Herbeheretako herriari eta bat egin atsekabeko une latz hauetan.
— Iñigo Urkullu (@iurkullu) 18 de marzo de 2019
Jean-Claude Juncker Europako Batzordeko presidenteak ere bere doluminak helarazi dizkie biktimei eta haien senitartekoei.
"Mark Rutterekin hitz egin berri dut, Utrechteko egoerari buruzko azken informazioa jasotzeko. Europako Batasuna Herbehereen eta bertako herritarren alboan dago une zail hauetan. Nire pentsamendua zaurituekin eta senideekin dago", esan du Junckerrek txio batean.
I have just spoken with @markrutte to get an update of the situation in #Utrecht. The #EU stands side by side with the #Netherlands and its people during these difficult times. My thoughts are with the wounded and their families.
— Jean-Claude Juncker (@JunckerEU) 18 de marzo de 2019
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.