Mueller fiskalak Errusiako auziari buruzko txostena AEBko Gobernuaren esku utzi du
Robert Mueller fiskal bereziak amaitutzat eman du Errusiako auziari buruzko ikerketa eta txostena William Barr Ameriketako Estatu Batuetako fiskal nagusiaren esku utzi du jada.
2016ko hauteskundeak Donald Trumpek irabazteko Errusiak kanpainan esku hartu ote zuen ikertzen aritu da bi urtez.
2017ko maiatzean abiarazi zuen ikerketa. Harrezkero, AEBko presidentea bera eta haren finantzak ere aztertu ditu, baita Justiziaren lana oztopatzen saiatu den ere.
Halaber, auzi honen baitan 34 pertsona auzipetu ditu, tartean Trumpen sei aholkulari ohi.
William Barr fiskal nagusiak erabaki beharko du txostenaren edukia publiko egin ala ez. Kongresuko eta Senatuko batzorde judizialetako arduradunei igorri dien gutunaren arabera, dokumentua aztertzen ari da orain eta asteburuan jakinaraziko ditu fiskal bereziaren ondorio nagusiak.
Etxe Zuriak oraingoz ez du fiskal bereziaren txostena jaso, Sarah Sanders bozeramaileak Twitter sare sozialean idatzitako mezu batean azaldu duenez.
"Barr fiskal nagusiari dagokio orain hurrengo urratsak ematea; prozesuak bere bidea egiteko zain egongo gara", adierazi du Sandersek.
Joan den astean, Kongresuak aho batez eskatu zuen Muellerren txostena publiko egitea, eta asteazkenean, Trumpek bereak ere galdegin zuen dokumentua argitaratzea. "Argitara atera dezatela. Jendeak ikus dezala", azpimarratu zuen.
30 auzipetu baino gehiago
Ikerketa honen baitan, hainbat pertsona kargutu dituzte, tartean Paul Manafort Trumpen hauteskunde-kanpainaren buruzagi ohia, Rick Gates bere eskuineko eskua eta George Papadopoulos bere aholkulari izandakoa.
Horrez gain, Michael Cohen Trumpen abokatu ohia, Michael Flynn Etxe Zuriko Segurtasun aholkulari nagusia eta Roger Stone bere kolaboratzailea auzipetu dituzte.
34 auzipetuetatik 26 errusiarrak dira. Errusiako hiru konpainiaren aurka ere egin du Muellerrek, besteak beste, Research Agencyren kontra, sare sozialen bidez Estatu Batuetako gizartea zatitzeko "guda informatiboa" egitea leporatuta.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.