Macroni festa ozpindu zioten

Azkenean, Frantziako festa nazionala desitxuratuta geratu zen manifestatzaileen eta polizien arteko borrokengatik. Hain esanahi handiko eguna aukeratu zuen txaleko horien mugimenduak berriro kalera irten eta mugimenduari berari buruzko eztabaida astintzeko.

Frantziako presidenteak, Emmanuel Macronek, Festa Nazionala bere festa propio bihurtu nahi izan zuen. Atzerriko hainbat agintari gonbidatu zituen militarren desfilea ikustera; horien artean zeuden Merkel kantzilerra eta Herbeheretako, Belgikako eta Portugalgo lehen ministroak. Sanchez eta May ere gonbidatuta zeuden arren, ez ziren joan. Europako Esku-hartze Ekimenean parte hartzen ari diren herrialdeak omendu nahi zituen Macronek, atzerrian, baina, batik bat, Afrikan, misio zibil eta militarretan ari diren herrialdeak.

Europako liderra dela erakutsi nahi zuen Macronek, baina txaleko horiek gogoratu zioten Frantzia barrura ere begiratu behar duela, bertan, gizarte-gatazkak pilatzen ari baitira.