'El Chapo' Guzmani biziarteko kartzela ezarri diote droga trafikoagatik AEBetan
Joaquin El Chapo Guzman Sinaloako Kartelaren buruzagi ohiari betiko kartzela ezarri diote Ameriketako Estatu Batuetan, herrialdean droga kopuru handiak sartzeagatik.
Narkotrafikoarekin eta antolatutako krimenarekin lotuta zortzi delitu leporatu dizkiote, eta horregatik betiko kartzela ezarri diote. Era berean, 30 urteko zigorra ezarri diote arma trafikoagatik eta beste 20 urte dirua zuritzeagatik, Milenio Mexikoko egunkariak jakitera eman duenez.
Iragan otsailean errudun jo zuten jadanik, Sinaloako Kartela erakunde kriminala zuzentzeagatik, baita droga trafikoa, arma trafikoa eta dirua zuritzeagatik ere, besteak beste.
Brian Cogan New Yorkeko gorte federaleko epaileak azaldu duenez, erabakia oinarritzeko "froga mordoa" zituen. "Nire bizitzako ezaugarri kriminal beldurgarrienak ikusi ditut", aitortu du.
2017ko urtarrilean Ameriketako Estatu Batuetara estraditatu zuten, Mexikoko kartzeletatik bi aldiz ihes egin ondoren. Aurreneko ihesaldia 2001ean izan zen, eta bigarrena 2015ean. Urtebete geroago atxilotu zuten.
Ezohiko segurtasun neurriek El Chapo-ren aurkako epaiketa markatu dute. Epaimahaiko kideak bizkartzainarekin joan dira New Yorkeko auzitegira, eta nortasunak sekretupean mantendu dituzte.
Defentsa epaiketa baliogabetzen saiatu da, 'praxi kaskarra' argudiatuta. Epaia bertan behera utzi eta epaiketa berriz errepikatzera behartuko luke horrek. Zinpekoek El Chapo-ri buruzko prentsa artikuluak irakurri ahal izan dituztela argudiatu dute abokatuek, horrek haien iritzia baldintzatu dezakeelakoan. Epaileak eskakizuna atzera bota du.
Sinaloako Kartela droga banatzaile nagusia da oraindik Ameriketako Estatu Batuetan, Jalisco Nueva Generacion Kartela gertu duelarik, DEAren arabera.
Zure interesekoa izan daiteke
Venezuelako 7,2 eta 7,5 magnitudeko bi lurrikarek herrialdearen iparralde osoa astindu eta dozenaka hildako eragin dituzte
Venezuelako agintariek larrialdi egoera ezarri dute, 164 dira dagoeneko hildakoak eta ia mila zaurituak, nahiz eta kopurua nabarmen handitu daitekeen. Emakume euskaldun bat dago hildakoen artean. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Euskal jatorria duen emakume bat, Venezuelako lurrikaran hildakoen artean
Hildakoa Alazne Solabarrieta zen, 65 urtekoa eta Bigarren Errepublika garaian Venezuelara ihes egin zuen alkate baten biloba. Senarra, euskal herritarra, zaurituta dago.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.