Gutxienez 20 pertsona hil eta 40 zauritu dituzte Texasen, tiroketa batean
Gutxienez 20 pertsona hil eta 40 zauritu dituzte, tartean bi haur, larunbat honetan El Paso hirian (Texas estatuan) izandako tiroketa batean, polizia iturriek baieztatu dutenez. Walmart kateko saltoki handi batzuetan jazo da erasoa.
21 urteko gizon bat atxilotu dute, tiroketarekin zerikusia duelakoan, eta poliziaren zaintzapean dago. El Pasoko KTSM telebista kateak ustezko erasotzailearen irudi bat argitaratu du. Bertan, fusil batekin merkataritza-gunean sartu den gizon bat ageri da, kamiseta beltza, praka motzak eta entzumen-babesleak dituena.
Bertako Poliziak jakitera eman duenez, ustezko erasotzaileak lau orriko gutun bat zabaldu du Internet bidez, tiroketa egin aurretik. 'Gaur hil egingo naiz, seguruenik' goiburupean, mezu ultraeskuindarrak biltzen dituen webgune batean argitaratu da testua, oraindik haren egilea nor den baieztatu ez den arren.
The New York Times egunkariaren arabera, "gorrotoz eta arrazakeriaz" betetako testuak dio Texaseko tiroketa "hispanoen inbasioari" erantzun bat dela. "Hispanoek hartuko dute hainbeste maite dudan Texaseko Gobernuaren eta Estatuaren kontrola, eta demokraten gotorleku bilakatuko dute gure herria", jasotzen du gutunak.
Lehen datuen arabera, bederatzi zauritu egoera larrian daude, eta beste bi egonkortu dituzte, Del Sol osasun zentroko bozeramaile batek CBS kateari jakinarazi dionez.
Erasoa 10:00ak aldera hasi da (17:00 GMT). Ordu horretan, Cielo Vista merkataritza-gunearen kanpoaldean esku hartzeko abisua jaso du El Pasoko Poliziak.
Segurtasun indarrek "behin-behinean kontrolatutzat" eman dute egoera, eta beste norbaitek tiroketa horretan parte hartu ote duen ikertzen ari dira, Robert Gomez El Pasoko Poliziaren bozeramailearen esanetan. Hala, gertakaria oraindik ez da argitu, eta polizia hiriko hainbat gune miatzen ari da, tartean merkataritza-gunea bera.
El Paso, Texas mendebaldean kokatuta dagoen hiri bat da, Mexikoko mugan dagoena, eta 700.000 biztanle inguru ditu.
Argazkia: EFE.
Donald Trump AEBko presidenteak, berriz, "tiroketa izugarria" izan dela eta "hildako asko" daudela ziurtatu du, eta bertako agintariei laguntza emango diela aurreratu du.
"Tiroketa izugarria El Pason, Texasen. Txostenak oso kezkagarriak dira, hildako asko daude", esan du Trumpek Twitterreko bere kontuan, kopururik eman gabe.
AEBko presidenteak jakinarazi du "tokiko eta estatuko agintariekin, eta segurtasun indarrekin" ari dela lanean, eta "gobernadorearekin hitz egin du gobernu federalaren babes osoa eskaintzeko".
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.