Deiaren transkripzioak erakusten du Trumpek dei egin ziola Ukrainari Biden iker zezan
Etxe Zuriak publiko egin du Donald Trump AEBko presidenteak eta Vladimir Zelenski Ukrainako presidenteak izan zuten dei telefonikoaren transkripzioa, eta horrek erakutsi egiten du estatubatuar agintariak Joe Biden presidenteorde ohia ikertzeko dei egin ziola.
Atzo, Alderdi Demokratak Trump kargugabetzeko prozesua abiatu zuen, segurtasun nazionalera traizio egitea egotzita.
"Asko hitz egiten ari da Bidenen semeari buruz, eta Bidenek akusazio bat geldiarazi zuela, eta jende askok gehiago jakin nahi du horri buruz. Beraz, fiskal nagusiarekin zerbait egin ahal baduzu, primeran [...]", esan zion Trumpek Zelenskiri, uztailaren 25ean egindako telefono deian.
Joe Biden presidenteorde izan zen Barack Obamaren gobernuan (2009-2017), eta egun Alderdi Demokrataren presidentegaia izateko lehian dago. Gainera, Burisma ukrainar gas enpresan aholkulari izan zen.
"Fabore bat egitea gustatuko litzaidake [...]. Gustatuko litzaidake fiskal nagusiak zuri deitzeko gaian sakontzeko", gaineratu zuen trumpek, eta bere abokatuak, Rudy Giulianik, deituko ziola esan zion.
Etxe Zuriaren esanetan, transkripzioa ez da hitzez hitzezkoa, AEBko Gobernuaren zenbait funtzionarioren notekin eginda baitago.
Transkripzio horretan, baina, ez dago aipamenik demokratek egindako beste akusazio baten inguruan: Trumpek Ukrainarentzako diru-funtsak blokeatu ote zituen, presio neurri gisa.
Bitartean, Donald Trumpek ukatu egin du Vladimir Zelenski Ukrainako presidenteari presio egin izana Joe Biden AEBko presidenteorde ohia iker zezaten.
"Ez zen inolako presiorik izan (…). Hau guztia sorgin ehiza da, lotsagarria", adierazi du kazetarien aurrean, New Yorken Venezuelako egoerari buruzko bilera batean partea hartu eta gero.
Zelenskik ukatu egin du inor presionatu izana
Vladimir Zelenski Ukrainako presidenteak, bere aldetik, ukatu egin du inor "presionatu" duenik bere herrialdean Joe Biden AEBko presidenteorde ohia iker zezan.
"Herrialde independentea dugu, eta fiskal orokor independentea. Ezin dut inor presionatu", adierazi du Zelenskik Trumpekin New Yorken batzarra egin ostean.
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.