Trumpek argi berdea eman dio Turkiari Siriako kurduei erasotzeko
Donald Trumpek baieztatu egin du Ameriketako Estatu Batuetako tropak Siria iparraldetik ateratzeko erabakia hartu duela, "amaierarik gabeko gerra irrigarrietatik ateratzeko ordua delako".
Turkiako Armadak Siria iparraldean dauden miliziano kurduen aurka erasoaldi militarra abiatuko duela iragarri ondotik iritsi da Trumpen erabakia.
"Bada garaia amaierarik gabeko gerra irrigarrietatik erretiratzeko eta gure soldaduak etxera ekartzeko", idatzi du Twitter sare sozialean.
"Gure onerako bada, edonon borrokatuko gara, eta irabazteko soilik egingo dugu borroka. Turkiak, Europak, Siriak, Iranek, Irakek, Errusiak eta kurduek konpondu beharko dute hango egoera, eta Estatu Islamikoak atzemandako soldaduekin zer egin nahi duten erabaki beharko dute", erantsi du.
Trumpek bart iragarri zuen AEBko tropak Siria iparraldetik erretiratzea erabaki duela eta gaur berretsi egin du. Sirian dauden miliziano kurduen aurkako erasoaldi militarra berehalako dela ematen du, eta Washingtonek ez du eraso horretan nahasi nahi.
Etxe Zuriak atzo gauean ohar bidez jakinarazi zuenez, Trumpek Recep Tayyip Erdoganekin telefonoz hitz egin zuen bere erabakiaren berri zuzenean emateko.
"Estatu Batuetako tropek ez dira operazio militar horretan sartuko; Estatu Islamikoaren kalifa-herria menpean hartuta, gure tropak handik erretiratuko dira", adierazi zuen Etxe Zuriak.
Asteburuan, Erdoganek ohartarazi zuen Estatu Batuen zain egoteko pazientzia agortu egin zaiola Turkiari eta, ondorioz, Siriako kurduen aurkako erasoaldi militarra “berehalakoa” dela.
Turkiak akabatu nahi dituen miliziano kurduak Ameriketako Estatu Batuen aliatuak dira Estatu Islamikoaren kontrako borrokan, baina Ankarako Gobernuarentzat "terroristak" dira Kurdistango Langileen Alderdiarekin lotuta daudelako.
Gauzak horrela, Trumpek esan du Turkiako ekonomia suntsituko duela, herrialde horrek Siria iparraldean gehiegikeriak egiten baditu.
"Berriro esango dut. Nire jakituria handiaren arabera, Turkiak neurriz kanpo dagoen erasoaldia egin duela uste badut, herrialde horretako ekonomia erabat suntsituko dut", esan du Twitter bidez.
Alderdi Errepublikanoko hainbat ordezkarik uste dute AEBko tropak Siriatik erretiratzeko Trumpek hartutako erabakia okerra dela eta atzera egiteko eskatu diote.
Bestalde, AEBk ez dute argitu soldaduen erretiratzea nola eta noiz gauzatuko duten.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.