'Brexita'ren akordioa bozkatzea galarazi du Komunen Ganberako presidenteak
John Bercow Erresuma Batuko Komunen Ganberako presidenteak betoa jarri dio Parlamentuak astelehenean, hilak 21, brexitaren gaineko akordioaren gainean bozkatzeari; izan ere, Bercowren iritziz, testua larunbatean eztabaidatu zuten.
Nolanahi ere, Gobernuaren asmoa da beharrezko legeak tramitatzen hastea, Europar Batasunetik irteteko baldintzen gaineko hitzarmena indarrean sartzea xede; prozesu horretan, diputatuek bozkatu beharko dute akordio hori.
Boris Johnson lehen ministroak (kontserbadorea da) larunbatean, aurkeztu zuen mozio bat, diputatuen akordioa babesteko, baina azken unean bertan behera utzi zuen bozketa; hain zuzen ere, zuzenketa bat onartu zuten, eta, hori tarteko, Europar Batasunetik irteteko epea luzatzea eskatu behar izan du.
"Nire erabakia da mozioa ez eztabaidatzea gaur, errepikakorra eta desordenatuta izango litzatekeelako", adierazi du Bercowk.
Lehen Ministroaren bozeramaile batek aurreratu duenez, ondorengo orduetan espero du argitaratzea lege-proiektua, britainiar legediari helarazteko brexitaren akordioaren baldintzak, eta lehen botazioa astearte honetan egiteko.
Komunen Ganberak orduan izango luke lehen aukera egiaztatzeko Johnsonek gehiengorik duen Bruselan aurreko astean sinatutako irteera-hitzarmena babesteko.
Larrialdi-prozedura
Gobernua larrialdi-prozedura baten bidez saiatuko da legea tramitatzen; izan ere, ziurtatu du helburuak bere horretan jarraitzen duela, alegia, Erresuma Batua Europar Batasunetik urriaren 31n irtetea, lehen ministroak adostutako baldintzei jarraituz.
Gobernuko aurreko buru Theresa Mayk (kontserbadorea, bera ere) ezarri zuen brexita berresteko prozedurak bi fase izan beharko dituela. Lehenik, astelehen honetan aztergai izatekoa zen hori legoke; helburua du diputatuek babestea hiru kontu: irteera-akordioa, brexita gauzatuta Erresuma Batuak eta Europar Batasunak izango duten harremana, eta Ipar Irlandarako protokolo bereziaren gaineko dokumentua.
Bigarren fasean, aldiz, irteera-hitzarmena lege bilakatzekoa da; prozesu horrek Komunen Ganberaren eta Lorden Ganberaren oniritzia behar du.
Gobernuak ez du oraindik planik zehaztu, baina baliteke saiatzea txertatzen lehen baldintza legearen tramitazioaren prozesuan.
Zure interesekoa izan daiteke
Israelek baztertu egin du Trumpen Gazarako 15 puntuko plana
Netanyahuk esan du Hamas erabat armagabetu arte Israelgo Armadak ez duela Gazatik alde egingo, eta baztertu egin du Palestinako Estatua sortzea.
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.