Al Baghdadi Estatu Islamikoaren heriotzaren berri eman du Trumpek
Estatu Batuetako presidenteak, Donald Trumpek, Estatu Islamiko erakunde jihadistaren burua, Abu Bakr al Baghdadi, Armada estatubatuarraren indar bereziek burututako operazio batean hil dela esan du, Barishako herrian, Idlibeko probintzian, Sirian, Turkiako mugatik gertu.
"Abu Bakr al Baghdadi hilda dago. Gizon gaixoa eta ustela zen, koldar bat bezala hil zena, ihesean eta negar-zotinen artean", esan du AEBko presidenteak. Trumpen arabera, Estatu Islamikoko liderrak lurrazpiko tunel batean hil zen, 2 ordu iraun zuen operazioaren azken unean bere burua immolatu ostean.
"Ez du berriz emakume bat edo ume bat zaurituko. Txakur bat bezala hil zen. Mundua orain leku seguruago bat da", esan du Trumpek.
Estatu Batuetako Armadaren 50-70 kidek burutu zuten operazioa, jihadista non zegoen zehaztu ostean, Turkiako mugatik bost kilometrora.
Operazioa zehaztu ostean, Al Baghdadirekin batera "bere gertuko beste pertsona asko" ere hil zirela baieztatu du Trumpek. Horien artean, bere emazteetako bi eta hiru ume, berak eztanda egin zuenean hil zirenak.
Al Baghdadiren etxebizitza, Sirian. Argazkia: EFE
Operazioa txalotu dute Estatu Batuetako aliatuek
Turkiaren "laguntzarekin" izan du operazioak, Fahrettin Altun Presidentetzarako aholkulariak esan duenez. "Turkia harro dago Estatu Batuei laguntzeagatik, gure aliatua delako, terrorista garrantzitsu bat justiziaren aurrean eramaten", esan du.
Israelgo lehen ministro Benjamin Netanyahuk Trump zoriondu du "lorpen izugarri" honengatik, "AEBekin eta beste herrialde libreekin batera partekatzen dugun terrorismoaren kontra borrokatzeko determinazioaren" isla delako. "Oraindik aurretik bidea geratzen zaigula" ohartarazi du.
Boris Johnson Erresuma Batuko lehen ministroak jihadistaren heriotza "terrorearen kontrako borrokan oso momentu garrantzitsua" izan dela esan du, eta gogorarazi du "Estatu Islamikoaren kontrako borroka ez dela bukatu".
Frantziako Defentsa ministro Florence Parlyrentzat ere ez da erakundearen amaiera. "Eskualdeko egoera berrietara egokitu beharko gara, baina gure aliatuei zorionak eman nahi dizkiot operazio honengatik", esan du Twitterren.
Siriako Indar Demokratikoek ere Al Bagdhdadiren heriotza txalotu dute. "Mendekua da Kobaneko herriarentzat, Sinjarko emakumeentzat eta Estatu Islamikoaren menpean sufritu duten mundu osoko herritarrentzat", esan dute kurdoak gehiengoa diren indarrek.
Iranek ironia erabili du Al Baghdadiren heriotza komentatzeko. "Ez da asko. Zuen sorkaria hil duzue", esan du Azari Jahromi Komunikazio ministroak, Trumpek hauteskunde kanpainan esandako hitzei erreferentzia eginez. Barack Obama "Eiren fundatzailea" zela salatu zuen kanpainan.
Errusiako Defentsa Ministerioaren bozeramaile Igor Konaxekovek, bestalde, "operazioari buruzko egiazko informaziorik" ez daukala esan du.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.